Спорт
Портланд ја победи Јута, Лилард броеше до 60 – Пул со звукот на сирената му пресуди на Мемфис
Демијан Лилард ја обележа ноќта во НБА лигата. Еден од најдобрите играчи во историјата на Портланд постигна 60 поени во победата над Јута Џез 134:124. Порази во ноќта зад нас забележаа водечките две екипи во Западната конференција, Денвер Нагетс и Мемфис Гризлис.
Лилард имаше феноменална шутерска ноќ, 21/29 од поле, 9/15 за три поени, 9/10 од линијата за слободни фрлања. Тој успеа да додаде седум скока и осум асистенции во статистиката.
Голден стејт со поените на Џордан Пул во последната секунда славеа во дуелот со Мемфис 122:120. Актуелните шампиони се вратија во мечот во последните пет минути со серијата 14:4.
На 90 секунди до крајот останаа без Стеф Кари кој беше исклучен.
Кари со 34 поени ги предводеше Вориорс, кај Мемфис со 29 поени се истакна Џа Морент.
Милвоки Бакс во дербито славеа над Денвер Нагетс со 107:99. Само 24 часа по победата во Њу Орлеанс, која ја донесе Јокиќ, Нагетс гостуваа во Висконсин, оддалечен 1.600 километри.
Затоа тренерот Мајк Мелоун реши да ги одмори своите најдобри играчи, па Јокиќ, Џамал Мареј, Кентавиус Колдвел-Поуп и Мајкл Портер Јуниор го следеа мечот од трибините.
Јанис Адетокумбо го предводеше Милвоки до 31. победа сезонава со 33 поени и 14 скока, Џру Холидеј додаде 20, а Пит Конатон 19 со 12 скока.
Арон Гордон беше најефикасен кај Нагетс со 26 поени и 14 скока, Боунс Хајленд постигна 15, а Брус Браун постигна 12.
Резултати: Орландо – Индијана 126:120, Филаделфија – Бруклин 137:133, Хјустон – Вашингтон 103:108, Милвоки – Денвер 107:99, Њу Орлеанс – Минесота 102:111, Оклахома – Атланта 132:137, Сакраменто – Торонто 95:113, ЛА Лејкерс – Сан Антонио 113:104.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…