Спорт
Португалија со сензација против Франција, Австријците подобри од Чешка!
Дека ракометот има неверојатен раст во Португалија на репрезентативен и на клупски план е одамна јасно, но никој не очекуваше тие да го отворат Европското првенство со голема победа од 28:25 над Франција. Во нашата група пак, Австрија го искористи домашниот терен за да го отвори шампионатот со 32:29 победа над Чешка, додека Словенците немаа проблеми и со 26:23 ја победија Полска.
Триколорите се фаворити на речиси сите натпреварувања последните две децении, но овојпат налетаа на расположените Португалци. Франција имаше предност од 6:3 на стартот на мечот, но до крајот на полувремето, Португалците стигнаа до гол предност 12:11. Французите повторно поведоа на почетокот на второто полувреме, но противникот не им дозволи да се одвојат, пред во последните десет минути да стигнат до славна победа. Бранкињо
со пет и Фераз и Гомеш со четири гола беа најефикасни за Португалците, додека по четири гола за Франција дадоа Мем, Карабатиќ и Лагард.
Никола Билик со 11 гола и Јанко Божовиќ со седум гола беа најефикасни за Австријците, кои во финишот на натпреварот успеаја да го скршат отпорот на Чесите и да стигнат до важна победа. Македонија од 20.30 часот против Украина го игра вториот меч во групата.
ЕВРОПСКО ПРВЕНСТВО 2020, 1.КОЛО
ГРУПА Б
Чешка – Австрија 32:29 (14:13)
Македонија – Украина 20.30 ч.
ГРУПА Д
Франција – Португалија 25:28 (11:12)
Норвешка – Босна и Херцеговина 20.30 ч.
ГРУПА Ф
Словенија – Полска 26:23 (13:11)
Шведска – Швајцарија 20.30 ч.
Watch the Game Highlights from France vs. Portugal, 01/10/2020 pic.twitter.com/wSY1ngOmyX
— EHF EURO (@EHFEURO) January 10, 2020
Watch the Game Highlights from Slovenia vs. Poland, 01/10/2020 pic.twitter.com/apwTMiaVmF
— EHF EURO (@EHFEURO) January 10, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.