Спорт
Последните круни пред Ролан Гарос за Зверев, Пер, Јастремска и Путинцева
Александер Зверев ги „преживеа“ двете одложувања поради дожд и упорниот Чилеанец Николас Жари за да стигне до титулата од Женева опен пред Ролан Гарос со 6:3/3:6/7:6(10:8) победа за кревање на самодовербата по лошата сезона.
Французинот Беноа Пер ја освои својата втора титула на земја оваа сезона со убедлива 6:4/6:3 победа над канадскиот тинејџер Феликс Оже-Алиасим во финалето на Лион опен. 30-годишниот Пер го искористи своето искуство за да доминира во првиот сет, пред да се мачи на стартот на вториот, но на крајот трофејот заврши кај него.
Во најдолгиот меч на ВТА турнејата оваа сезона (2 часа и 58 минути), украинската тинејџерка Дајана Јастремска стигна до третата титула во последните осум месеци, откако со 6:4/5:7/7:6(3) ја победи Французинката Каролине Гарсија во финалето на Интернационал де Стразбур.
Јастремска прво успеа да пропушти две меч-топки на 6:4/5:3, пред шампионката од 2016 Гарсија да се врати и да го освои вториот сет, по што Украинката спаси еден меч-поен за исцрпувачка победа. Јастремска би требала да го стартува Ролан Гарос против Карла Суарез Наваро првпат во топ 30.
Во Нирнберг пак, Казахстанката Јулија Путинцева се врати од сет негатива за 4:6/6:4/6:2 победа над Словенката Тамара Зиданшек за своја прва ВТА титула. 24-годишната Путинцева претходно губеше во финалињата во Санкт Петерсбург во 2017 и во Гуангжу минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.