Спорт
Потклекнаа на владиниот притисок – Шкотланѓаните ќе клекнат пред мечот со Англија
Шкотската фудбалска репрезентација ќе се приклучи на англиската со клекнување на „Вембли“ пред нивниот меѓусебен меч на ЕУРО 2020, откако ја сменија првичната одлука по изјавата на британскиот премиер Борис Џонсон.
Селекторот Стив Кларк и капитенот Енди Робертсон во четвртокот објавија дека тие ќе оддадат почит на борбата против расизмот стоејќи, како што правеа досега, бидејќи клечењето станало „разводнето“, но откако англиските фудбалери беа исвиркани на двата пријателски мечеви пред ЕУРО, Шкотланѓаните се предомислиле.
„Нашата позиција беше, и останвуа иста, дека фокусот треба да е на значајна промена во борбата против дискриминацијата во фудбалот и општеството. Во Шкотска, фудбалското семејство стои против расизмот цела сезона и сметавме дека репрезентацијата треба да го прави истото. Но, јасно е дека по тоа што се случуваше со Англичаните, потребно е да клекнеме во знак на солидарност“, изјави Робертсон.
Оваа одлука исто така доаѓа по барањето на британскиот премиер Борис Џонсон од фановите да престанат да ги свиркаат фудбалерите кои клечат.
Досега, покрај Англичаните, со клечење својата поддршка ќе ја дадат само репрезентациите на Велс, Данска, Финска и Белгија, но и нашиот прв противник на ЕУРО 2020, Австрија во знак на солидарност со Англичаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.