Вулверхемптон соопшти дека го доведе Матеус Нуњес од Спортинг Лисабон за сума од 45 милиони евра. Ова е рекордна сума за отштета што ја платил клубот, а 23-годишниот португалски играч за врска потпиша договор до 2027 година.

Нунес е третиот играч кој летово пристигна во соблекувалната на тимот чиј тренер е Бруно Лаге. Пред него пристигнаа играчот од средниот ред Гонкало Гуедеш од Валенсија и дефанзивецот Нејтан Колинс од Барнли. Сепак, најновото име во соблекувалната ја има и најинтересната фудбалска приказна.

Момчето кое порасна во фавелите на Рио де Жанеиро, идолизирајќи го Роналдињо, во Португалија и се придружи на мајка си и очувот кога имаше 13 години. Тој денес е одличен фудбалер, а пред само три години работеше во пекара и во слободно време играше фудбал, тренираше во академијата на Спортинг Лисабон и сонуваше дека ќе има голема кариера.

„Имаше моменти кога немавме што да јадеме, а мајка ми никогаш не престана да работи. Таа е воин кој ми ја всади љубовта кон фудбалот. Немавме топка, но јас и моите браќа игравме со чорапи, важно беше само да се тркалаат. Мајка ми до денешен ден вели дека не знае како успеавме да не израснам во крадец или дилер“, раскажува Нуњес.

Тој морал да работи за семејството да се прехрани.

„Работев во пекара околу пет-шест месеци. Доаѓав наутро затоа што тренинзите и натпреварите беа попладне. Стоев на нозе пет-шест часа, а потоа морав да тренирам. Не можам да кажам дека беше лесно, немав возачка дозвола, па се будев наутро во пет часот, бидејќи на работа одев со велосипед“, се сеќава Матеус Нуњес.

Сега веќе не мора да се грижи за егзистенцијата, ниту тој, ниту неговото семејство.

Новото засилување на Барселона, Роберт Левандовски, бил ограбен пред денешниот тренинг додека се дружел со навивачите на Барселона, пишуваат шпанските медиуми. Полскиот интернационалец застанал со својот автомобил да се фотографира со навивачите. Во тој момент крадците насилно му одзеле часовник вреден 75.000 евра и побегнале.

Левандовски се обидел да ги фати, изјавија сведоци за Мундо Депортиво, но не успеал во својата намера.

Подоцна крадците биле пронајдени од каталонската полиција, а часовникот наводно бил сокриен под дрво.

Македонскиот фудбалски репрезентативец Енис Фазлагиќ во новата сезона ќе го носи дресот на словачкиот прволигаш Дунајска Стреда. Тој доаѓа како позајмен играч од Висла Краков, откако полскиот клуб лани испадна од елитното друштво на оваа земја.

„Моите први впечатоци се одлични. Имам одиграно натпревар на стадионот на Дунајска Стреда и знаев какви се условите. Драго ми е што потпишав за овој тим бидејќи ДАЦ е еден од најголемите клубови во Словачка. Знам како функционира клубот, какви неверојатни навивачи има и модерен стадион. Веднаш реков „да“ на понудата. Ќе се трудам максимално да работам на себе на секој тренинг, да се усовршувам и да дадам се од себе на натпреварите“, изјави Енис Фазлагиќ по потпишувањето на договорот со Дунајска Стреда.

Енис Фазлагиќ во минатиот прозорец од Лигата на нации дебитираше и за сениорскиот национален тим на Македонија.