Спорт
Познати се 12 од 16. клубови во нокаут-фазата на ЛШ
Синоќа со натпреварите во групите А, Б, Ц и Д е комплетирано 5.коло во Лигата на шампионите. Во пресрет на последното коло познати се 12 екипи кои ќе играат во осмина-финалето. Во средата пласман во осминафиналето обезбедија Ливерпул, Интер и Порто.
Покрај Ливерпул, Интер и Порто, претходно во нокаут-фазата се пласираа и Баерн, Бенфика, Челзи, Клуб Бриж, Борусија Дортмунд, Манчестер сити, Наполи, ПСЖ и Реал Мадрид.
Посебно интересно во последното коло ќе биде во групата Д каде сите четири клуба имаат шанса да одат во нокаут-фазата. Кои две екипи на крајот ќе се радуваат ќе се знае по натпреварите во Лисабон (Спортинг – Ајнтрахт Франкфурт) и во Марсеј (Олимпик – Тотенхем). Тотенхем моментално води со бод повеќе од Спортинг и Ајнтрахт, и два повеќе од Олимпик од Марсеј.
Дилемата во групата Е е кој ќе му се приклучи на Челзи, Милан или Салцбург? Во последното коло овие два клуба ќе бидат директни ривали на „Сан Сиро“ во Милано. На табелата Милан има бод повеќе од Салцбург.
Конечно, во групата Ф, покрај Реал Мадрид, шанса имаат Лајпциг и Шахтјор, а овие две екипи се и директни ривали во последното коло, кога во Варшава формален домаќин ќе биде украинскиот претставник. Пред решавачкиот дуел германскиот тим има три бода повеќе. Шахтјор мора да победи доколку сака да игра во осмина-финалето.
✅ Round of 16 so far…
🧐 Who's going all the way?#UCL pic.twitter.com/RDmflveuJ6— UEFA Champions League (@ChampionsLeague) October 26, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.