Спорт
Познати се сите учесници на СП во Кина
Завршија квалификациите за пласман на Светското првенство во Кина. Познати се имињата на 32 репрезентации што во септември ќе се борат за планетарната титула. Најмногу претставнци има Европа (12), осум селекции се од Азија и Океанија, седум од Северна и Јужна Америка и пет од Африка.
Лошиот систем на квалификациите придонесе актуелниот европски првак Словенија да не обезбеди виза за Кина.
Од Европа на Светскоот првенство ќе играат: Чешка, Франција, Германија, Грција, Италија, Литванија, Црна Гора, Полска, Русија, Србија, Шпанија и Турција.
Кина како домаќин избори директен пласман, а од Океанија и Азија на шампионатот ќе учествуваат уште: Австралија, Иран, Јапонија, Јордан, Јужна Кореја, Нов Зеланд и Филипините.
Листата на учесници од Северна и Јужна Америка ја предводат актуелните шампиони САД, а тука се уште Аргентина, Бразил, Канада, Доминиканска Република, Порторико и Венецуела.
Од Африка место на планетарниот шампионат изборија: Ангола, Брегот на Слонова коска, Нигерија, Сенегал и Тунис.
ALL 32 TEAMS THAT WILL COMPETE AT THE #FIBAWC 2019 IN CHINA ARE KNOWN!https://t.co/hwXFIXiXKx pic.twitter.com/pM0ZtKuIzj
— Basketball World Cup (@FIBAWC) February 26, 2019
„Овие квалификации овозможија 80 национални тимови редовно да играат натпревари пред своите навивачи и да се натпреваруваат на големата сцена. Ова немаше да биде возможно доколку немаше соработка со националните федерации, првенствата и клубовите. Поради тоа, сакам да изразам благодарност до целото кошаркарско семејство кое ни помогна во транзицијата кон новата кошаркарска ера“, изјавил генералниот секретар на Светската кошаркарска федерација, Андреас Загклис.
Групите за СП ќе бидат извлечени на 16 март, а шампионатот ќе се одржува од 31 август до 15 септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.