Спорт
Познато е дали Мбапе ќе мора да се оперира
Реал Мадрид по синоќешниот пораз од Хетафе (0:1), се соочува со уште еден проблем. На „Сантијаго Бернабеу“ не се сигурни дека Килијан Мбапе ќе игра против Манчестер Сити следната недела во осминафиналето на Лигата на шампионите.
Францускиот репрезентативец ги повреди лигаментите на коленото на левата нога кон крајот на 2025 година, но играше натпревари за Реал. Сепак, повремено повредените лигаменти предизвикуваа такви проблеми што мораше да пропушти некои натпревари.
Тој не играше во реваншот од нокаут фазата на Лигата на шампионите против Бенфика, по што отпатува во Париз на дополнителни прегледи.
„Во договор со клубот, беа направени тестови на коленото со цел да се пронајде најдобриот начин за закрепнување и подготовка за враќање на теренот. Засега не е планирана операција“, се вели во соопштението на тимот на Мбапе.
Привремениот тренер, Алваро Арбелоа, кој го замени Чаби Алонсо во јануари рече дека на Мбапе му е потребно време за да се врати во целосна физичка подготвеност.
„Тоа беше консензус на сите страни и сметаме дека е најдобро тој да застане, да се опорави и да се врати, а потоа да биде на 100 проценти. Нема да биде прашање на денови, ќе биде малку подолго, но не можам да кажам колку долго ќе трае. Се надевам дека нема да биде предолго“, рече Арбелоа.
Мбапе постигна 38 гола на 33 натпревари оваа сезона во сите натпреварувања.
Foto/ depositphotos
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри најбрз на првиот ден од новата сезона
Возачот на Мекларен, Оскар Пјастри, на врвот, го заврши првиот ден од акцијата за Големата награда на Австралија, со која започнува новата сезона и новата ера на Формула 1.
Австралиецот го забележа најбрзиот круг на патеката „Алберт Парк“ со време од 1:29.729 минути, со предност од 214 илјадити делови од секундата пред Андреа Кими Антонели во Мерцедес. Најблиску до нив двајца беше тимскиот колега на Антонели, Џорџ Расел, кој беше 32 стотинки зад Пјастри, а само една илјадитина пред Луис Хамилтон во Ферари.
Првиот ден од новата сезона помина како знак дека сите тимови практично ја искористија секоја минута за време на тренингот, бидејќи немаше ниту еден момент кога голем број возачи не беа на патеката.
Резултатите на двата тренинга беа сосема различни, што само го отежнува правењето какви било предвидувања пред да продолжи акцијата, но како што се очекуваше, возачите на Мекларен, Мерцедес и Ферари беа пред сите, заедно со Макс Ферстапен во автомобилот на Ред Бул.
Имаше и грешки, Ферстапен имаше некарактеристично излетување надвор од патеката, Шарл Леклер и Хамилтон исто така направија грешки, но без поголеми последици.
Акцијата на „Алберт Парк“ во Мелбурн продолжува, во сабота, со третиот слободен тренинг од 2:30 часот, додека квалификациите за пол-позицијата ќе започнат во 6 часот.
Foto/ EPA
Спорт
Пјастри најбрз на првиот ден од новата сезона
Возачот на Мекларен, Оскар Пјастри, на врвот, го заврши првиот ден од акцијата за Големата награда на Австралија, со која започнува новата сезона и новата ера на Формула 1.
Австралиецот го забележа најбрзиот круг на патеката „Алберт Парк“ со време од 1:29.729 минути, со предност од 214 илјадити делови од секундата пред Андреа Кими Антонели во Мерцедес. Најблиску до нив двајца беше тимскиот колега на Антонели, Џорџ Расел, кој беше 32 стотинки зад Пјастри, а само една илјадитина пред Луис Хамилтон во Ферари.
Првиот ден од новата сезона помина како знак дека сите тимови практично ја искористија секоја минута за време на тренингот, бидејќи немаше ниту еден момент кога голем број возачи не беа на патеката.
Резултатите на двата тренинга беа сосема различни, што само го отежнува правењето какви било предвидувања пред да продолжи акцијата, но како што се очекуваше, возачите на Мекларен, Мерцедес и Ферари беа пред сите, заедно со Макс Ферстапен во автомобилот на Ред Бул.
Имаше и грешки, Ферстапен имаше некарактеристично излетување надвор од патеката, Шарл Леклер и Хамилтон исто така направија грешки, но без поголеми последици.
Акцијата на „Алберт Парк“ во Мелбурн продолжува, во сабота, со третиот слободен тренинг од 2:30 часот, додека квалификациите за пол-позицијата ќе започнат во 6 часот.
Foto/ EPA
Спорт
(Видео) Нема полош тим во Премиер лиагта од Тотенхем
Фудбалерите на Тотенхем тонат на табелата во Премиер лигата. Во 29-то коло го забележаа петтиот пораз во низа, трет во дуелите со ривалите од Лондон. Новиот тренер, Игор Тудор се уште не освоил ниту бод.
Тотенхем, во кошмарен меч, загуби од Кристал Палас со 1:3. Кобен за Тотенхем беше период од 38-та до 52-та минута, кога во целост се распадна играта на тимот предводен од Тудор.
Започна добро за Тотенхем, голот на Соланке му донесе предност на домашниот тим. А потоа, по прекршокот на Ван де Вен, Кристал Палас доби пенал, а дефанзивецот на Тотенхем црвен картон.
Сар го реалзиираше пеналот, а потоа во 46-та и 52-та минута Сар и Ларсен ставија точка на натпреварот. Во тој момент голем број од навивачите го напуштија на стадионот, неможејќи да гледаат уште една ужасна партија на нивниот тим.
Во 2026 година, Тотенхем освои само четири бода од можни 33 (седум порази и четири нерешени) и има најлош учинок од сите тимови во Премиер лигата.
Тотенхем остана на 16-то место со 29 бода, само еден повеќе од Нотингем Форест и Вест Хем, кои се во зоната за испаѓање. Кристал Палас е на 13-та позиција со 38 бода.
Во следното коло, Тотенхем ќе го пречека Ливерпул, но пред тоа, имаат натпревар со Атлетико Мадрид во Лигата на шампионите, единственото натпреварување, кое оваа сезона (сè уште) им носи малку радост на навивачите на Спарс.
Foto/ EPA
