Аријан Адеми, ќе го пропушти остатокот од есенскиот дел, од сезоната. Адеми се повреди, во понеделникот, на натпреварот Македонија-Германија (0:4).

Каи Хаверц, по еден дуел падна врз ногата на Адеми. Во таа 29.минута беше забележливо дека повредата не е наивна. Адеми се обиде да продолжи но по неколку минути го напушти теренот.

По враќањето во Загреб, му биле извршени детални прегледи, кои покажале дека ќе мора да паузира од фудбалот во наредните два месеци.

Динамо Загреб соопшти дека Адеми го повредил зглобот.

Хрватскиот шампион годината ќе ја затвори на 15.декември, сигурно е дека клубот нема да брза со неговоот враќање.

Ова е втора потешка повреда на Адеми од почетокот на сезоната. Во јули, на натпреварот со Омонија, го повреди мускулот на десната нога, поради што пропушти десет натпревари.

Спортскиот директор на Милан, Паоло Малди има свој фаворит за Златната топка. Франс фудбал, наредниот месец, ќе ја додели престижната награда.

„Мислам дека оваа година наградата ја заслужи Роберт Левандовски. Би можел да ја добие и Крим Бензема, но Левандовски ја задржа неверојатната „глад“ за постигнувањето голови. Со својата ефикасност урна многу рекорди. Левандовски, Бензема и Меси сигурно ќе бидат најдобрите тројца. Мислам дека најголеми шанси има Меси, јас лично би сакал да победи Левандовски“, рекол Малдини во емисијата на Давид Санчез „Разбуди се Сан Франциско“, на радиото „Марка“.

Њукасл јунајтед, со новите газди, стана најбогатиот фудбалски клуб во светот. Менаџерот на Ливерпул, Јирген Клоп, во интервју за германскиот „Скај спорт“, го споредил Њукасл со проектот европска Супер лига.

„Со право, фудбалскиот беше загрижен поради проектот Суперлига. Њукас е Суперлига во еден клуб. Гарантирана му е доминантна улога во европскиот фудбал во наредните 20-30 години. Постои веројатност дека ќе ги зезнете работите со толку многу пари, но долгорочно, во фудбалот има многу квалитетни луѓе, порано или подоцна Њукасл ќе ги пронајде. Така стојат работите. Мораме да живееме со ова“, рекол Клоп.

Јасно е дека целта со оваа сезона е Њукасл да преживее во Премиер лигата, а потоа да ги „нападнат“ големите имиња во летниот преоден рок, по примерот на Манчестер сити и ПСЖ.

„Доколку разговараме само за фудбалот, на долги патеки, Њукасл ќе бидат супер сила. Ова е третиот клуб во светскиот клуб, за кој знам, дека му припаѓа на една држава. Очигледно е дека е во сопственост на најбогатото семејство во светот“, изјавил Клоп и потоа ја коментирал политичката ситуација во Саудиска Арабија.

„Можеби не треба да го коментирам тоа, можеби тоа не е моја работа, но постојат две различни мислења околу почитувањето на човековите права во Саудиска Арабија“.