Спорт
Премиерлигашите потрошија 1.5 милијари фунти на трансфери, рушејќи го рекордот
Парите очигледно не се проблем во англискта Премиерлига, откако на една недела пред крајот на преодниот рок, 20-те клубови од елитата потрошиле 1.5 милијарди фунти на засилувања, рушејќи го рекордот од 1.4 милијарди во 2017 година.
Според финансиската компанија „Делоит“, сумата од 1.5 милијарди фунти е идентична колку што лани клубовите потрошиле цела сезона, иако рекордот за цела сезона уште не е достигнат – во 2017/18, англиските клубови потрошија 1.86 милијарди фунти.
„Рекордното трошење покажува дека бизнис=моделот на Премиерлигата е одличен и во ерата по пандемијата на КОВИД. Иако ова е охрабрувачки, важно е клубовите да имаат одговорно трошење за да не настанат проблеми во иднина“, вели Крис Вуд, директорот на спортската групација на „Делоит“.
Премиерлигашите потпишале дури 14 фудбалери кои чинеле над 30 милиони фунти, откако лани само осум фудбалери ја надминуваа оваа сезона. Најскапото засилување е Дарвин Нуњез на Ливерпул, за кое платија 85 милиони фунти на Бенфика, додека Челси потрошија 63 милиони фунти за Марк Кукуреља од Брајтон, 50 милиони фунти на Рахим Стерлинг и 34 милиони фунти на Калиду Кулибали.
Манчестер јунајтед го донесоа Касемиро за 60 милиони фунти, Манчестер сити го донесоа Ерлинг Халан за 51.2 милиони фунти, а Тотенхем потрошија 60 милиони фунти на Ришарлисон.
Во последната недела се очекува реализација на уште неколку скапи трансфери – Челси го сака Весли Фофана од Лестер, Њукасл тргнува по Александер Исак од Реал Сосиедад, а Манчестер јунајтед подготвуваат голема понуда за Антони од Ајакс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.