Спорт
Пресврт на Бразил во Каракас, бод за Аргентина во Парагвај
Изминатата ноќ продолжија јужноамериканските квалификации за пласман на Светското првенство во Катар. Лидерот Бразил, со пресврт, победи во Венецуела, Аргентина и Парагвај одиграа без голови, а со ист резултат заврши и дербито Уругвај-Колумбија.
Бразил, отпорот на Венецуела во Каракас, го скрши во последните 20 минути од натпреварот. Венецуела имаше предност од 11.минута со голот на напаѓачот на Динамо Киев, Ерик Рамиерез.
Маркињос израмни во 71.минута, Габриел Барбоса погоди од пенал за 1:3 во 85, а десет минути подоцна Ентони ги постави конечните 1:3.
Аргентина, во Парагвај, не успеа да победи. На крајот двете репрезентации се задоволни од ремито без голови. Најдобрите шанси за Аргентина ги имаше Хоакин Кореа во 12. и 60.минута.
Голови немаше и во Монтевидео на натпреварот Уругвај-Колумбија.
Еквадор за 5.минути ја победи Боливија. Првиот гол го постигна Естрада во 14.минута, а потоа во 17. и 19.минута два гола постигна Евер Валенисија.
Перу со головите на Куева и Пења го победи Чиле. Чилеанците речиси останаа без шанси за пласман на СП.
Бразил води на табелата со 27 бодови, следуваат Аргентина 19, Еквадор 16, Уругвај 16, Колумбија 14, Парагвај 12, Перу 11, Чиле 7, Венецуала 6, Боливија 4.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Претседателот на Ла Лига јавно кажа дека е навивач на Реал
Претседателот на шпанската Ла Лига, Хавиер Тебас отворено призна дека навива за Реал Мадрид во интервју за „Експансион“. Овој факт е познат од поодамна, но сега за прв пат е и јавно потврден. Овој детал Тебас го откри додека го коментираше евентуалниот трансфер на Килијан Мбапе во Реал.
„Прво и основно, сето ова го кажувам како навивач на Реал Мадрид. Тоа е неверојатен трансфер, Мбапе е еден од најдобрите фудбалери во светот. Не можам да кажам дека е најдобар бидејќи мислам дека Белингам е најдобар, и зад него е Винисиус“, рече тој и потоа додаде:
„Мбапе е еден од најдобрите фудбалери во светот, затоа мора да бидеме среќни бидејќи таков играч доаѓа во нашата лига. Знам како Реал Мадрид планира да го обезбеди неговиот потпис, и покрај загриженоста и нестрпливоста на медиумите. Тоа го направија во добар момент.”
Да потсетиме, Мбапе на лето доаѓа во Реал Мадрид како слободен играч, откако ќе му заврши договорот со ПСЖ.
Спорт
(Видео) Кобајаши леташе 291 метар
Јапонскиот ски скокач Рјоју Кобајаши постави неофицијален светски рекорд во Исланд прелетувајќи 291 метар, што е за 37,5 метри подобро од официјалниот светски рекорд.
Рекордот Кобајаши го постави на специјално изградена скокалница во ски-центарот Хлидарфјал.
Кобајаши ги помести границите со летови од 256, 259 и 282 метри во двата дена од пробното натпреварување, а во средата го постави конечниот рекорд од 291 метар. Осум секунди бил во воздух и достигнал најголема брзина од 107,5 километри на час.
„Долго сонував за овој скок, отсекогаш сум сакал да летам подалеку од сите други и сакам да ги поместам границите“, изјави Кобајаши по најдолгиот лет во историјата.
Според соопштението за печатот на Ред Бул, специјалната скокалница е целосно изградена од снег. Врвот на залетиштето е на 1115 метри, а зоната на слетување завршува 360 метри подолу и има наклон од 36 степени.
Јапонецот во кариерата има 32 победи во Светскиот куп, два пати беше севкупен победник, има златен и сребрен медал од Олимписките игри во 2022 година, а три пати ја освојуваше и Новогодишната турнеја.
𝟐𝟗𝟏 𝐌𝐄𝐓𝐑𝐎́𝐖 ❗️
Ryoyu Kobayashi udowodnił, że niemożliwe nie istnieje ❗️#skijumpingfamily pic.twitter.com/Or7frTerSh
— Eurosport Polska (@Eurosport_PL) April 24, 2024
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.