Спорт
Пријател на Шумахер: Жена му на Михаел лаже за неговата состојба!
Вилхелм Вебер, екс-менаџерот на Ф1 пилотот, Михаел Шумахер вели дека сопругата на Михаел, Корина ја крие вистината за неговата здравствена состојба.
Вебер за „Дејли мејл“ изјави дека му е жал што не може да го посети пријателот, затоа што тоа не го дозволува Корина.
„Знам дека на Михаел му е тешко, но не знам дали има направено било каков напредок. Би сакал да знам како му е, да се ракувам со него и да го погледнам в лице. За жал, Корина тоа не го дозволува. Веројатно се плаши дека ќе видам што се случува и тоа ќе го пласирам во јавност. Силно верувам дека Михаел ќе се опорави, тој е борец, ако постои шанса, тој ќе ја искористи, не може да биде крај. Се молам за него и верувам дека повторно ќе го видам“ – изјавил Вебер.
Михаел Шумахер во 2013 година настрада во несреќа при скијање, се здоби со тешка повреда на мозокот удирајќи во камен.
Тогаш во болницата рекоа дека Шуми би загинал доколку не ја носел кацигата, а потоа беше ставен во индуцирана кома.
Оттогаш е во Женева каде за неговото здравје се грижи сопругата, а екс-Ф1 пилотот повремено оди во болница на прегледи.
Од несреќата до денеска Шумахер не е појавен во јавност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.