Дуелот на тимовите кои ги предводат младите ѕвезди од Балканот, Лука Дончиќ и Никола Јокиќ, предизвика најголемо внимание изминатата ноќ во НБА лигата. Денвер го победи Далас со 117:113. За Нагетс ова беше четвртата победа во низа, додека Маверокс го забележаа третиот пораз на последните пет натпревари.

Јокиќ за Денвер одигра 33 минути, постигна 20 поени, на кои придодаде 10 скока и четири асистенции. До победата Денвер го предводеше Мајкл Портер јуиор, кој се врати во тимот по повредата, со 30 поени и осум скока. Вториот најдобра играч на Денвер Џамал Мареј, поради неспортски потег беше исклучен.

Лука Дончиќ, во редовите на Далас, натпреварот го заврши со трипл-дабл од 35 поени, 11 скокови и 16 асистенции. Словенецот немаше помош од соиграчите, најблиску до него беше Тим Хардавеј јуниор, стрелец на 19 поени.

Денвер со скор од 10 победи и 7 порази се седми на Западот, додека Далас се 10. со скор 8 победи и 9 порази.



Френк Лампард од вчера повеќе не е тренер на фудбалерите на Челси. Лампард во соопштението, со кое се обрати на јавноста, напишал дека е „разочаран што немал време да го поведе клубот напред“.

Лампард, 18 месеци беше тренер на „сините“, замина во моментот кога тимот се наоѓа на деветтото место на табелата.

„Кога ја прифатив оваа работа знаев дека се соочувам со големи предизвици, клубот минуваше низ тежок период. Горд сум на она што го остварив, горд сум на играчите од Академијата кои зачекорија во првиот тим кои играа добро. Тие се иднината на клубот. Разочаран сум што немав време оваа сезона да одиме напред, жалам што немав време да го однесам клубот на едно повисоко ниво“, напипал Лампард.

Најдобриот стрелец во историјата на Челси (211 голови), во јули 2019 година, го замени Маурицио Сари на менаџерската позиција, кога потпиша тригодишен договор.

Во својата прва сезона го освои четвртото место во Премиер лигата и играше во финалето во ФА купот.

Оваа сезона, Челси, на последните осум натпревари забележа пет порази, поради што Роман Абрамович реши да ја прекине соработката со тренерот Лампард.

Британските медиуми тврдат дека нов тренер на Челси ќе биде 47-годишниот Германец, Томас Тухел.

Тотенхем со 4:1 славеше на гостувањето кај Вајкомб во четвртото коло од ФА купот, иако губеше од 25. минута, а до 86. минута беше израмнето 1:1!

Фред Оњедимна ги донесе второлигашот во водство во 25. минута, пред Герет Бејл, кој имаше редок старт за Спарси оваа сезона во 45. минута да израмни на 1:1. Кога домаќините се понадеваа дека е можно да одат на продолженија и пенали, Тотенхем врати со три гола за само четири минути.

Хери Винкс во 86. минута и Танги Ндомбеле во 88. минута и 93. минута обезбедија тимот на Жозе Мурињо да добие пресметка со Евертон во 1/16 финалето на најстарото клупско натпреварување на светот.