Спорт
Продолжува ЛШ, дербито е во Мадрид
Вечерва во Лигата на шампионите ќе се одиграат натпреварите од 3.коло во групите А, Б, Ц и Д. Дербито е во Мадрид, на „Ванада Метрополитано“, помеѓу Атлетико и Ливерпул. Колото ќе го отворат Клуб Бриж и Манчестер сити во А-групата и Бешикташ-Спортинг Лисабон во Ц-групата. Овое натпревар ќе започнат во 18.45 часот, останатите во терминот од 21.
ПСЖ во Париз ќе го пречека Лајпциг. Без Нејмар и веројатно Икарди, ПСЖ е фаворит за победата со која ќе направи чекор кон нокаут-фазата. Сити, гостува кај Бриж, кој во првото коло освои бод против ПСЖ.
Б-групата носи реприза на осминафиналната пресметка од 2019 година помеѓу Атлеитко и Ливерпул. Тогаш Атлетико победи во Мадрид 1:0, а во Ливерпул со 3:2 по продолженијата. Тој меч на „Енфилд“ беше последен кој се играше пред публика, потоа настана паузата поради пандемијата на коронавирусот.
Ливерпул има две победи во групата, Атлетико победа и реми. Во вториот меч Порто и Милан ќе се обидат да дојдат до резултат кој ќе ги доближи до второто место во групата.
Ајакс и Борусија Дортмунд ќе го одиграат дербиот во Ц-групата. Двата тима победија во првите две рунди. За првите бодови сезонава во Лигата на шампионите ќе се борат Бешикташ и Спортинг.
Интер и Реал, фаворитите во Д-групата немаат прави на кикс во третото коло. Интер ќе го пречека Шериф. Молдавците во оваа конкуренција се сензационални лидери на табелата. Оптимисти се дека можат да го изненадат и Интер во Милан.
Реал по шокантниот пораз од Шериф е пред императив дека мора да забележи победа над Шахтјор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Аргентина без Меси против Ел Салвадор и Костарика
Капитенот на Аргентина, Лео Меси ќе ги пропушти двата пријателски натпревари што ќе ги одигра светскиот шампион против Ел Салвадор (22 март) и Костарика (26 март). Двата натпревари ќе се играат во Соединетите Американски Држави.
Ѕвездата на Интер од Мајами се пожали на полесна повреда и постоеја шанси да биде во тимот на Аргентина, но сега е сигурно дека тоа нема да се случи,. Сепак, Лео ќе се приклучи во репрезентативниот камп во Филаделфија, за да им пружи морална поддршка на соиграчите.
Воедно, поради повреди Пауло Дибала и Маркос Сенеси од Бурнмаут нема да го носат дресот на Аргентина, па селекторот Лионел Скалони го повика капитенот на Бетис, Гвидо Родригез, кој се рехабилитираше од повредата.
„Целта на Меси и на клубот е да се врати на терените на почетокот на април, за четвртфиналниот натпревар од Купот на КОНКАКАФ“, изјави на оваа тема тренерот на Интер од Мајами, Херардо Мартино.
Во осминафиналето Интер го исфрли Нешвил, а токму на таа средба 36-годишниот аргентински ас заработи повреда на мускулот.
По голот и асистенцијата мораше предвреме да ја напушти играта, па не го ни одигра првенствениот натпревар против Ди-си Јунајтед пред неколку дена.
Спорт
Штрајх го напушта Фрајбург по повеќе од 12 години
Тренерот на Фрајбург, Кристијан Штрајх, по повеќе од 12 години ќе го напушти клубот на крајот на сезоната, објави клубот. Штрајх, кој е на клупата на Фрајбург од јануари 2012 година, реши да не го продолжи договорот.
Штрајх, во Фрајбург кина 29 години, пред да го преземе првиот тим, ги тренираше младинските категории.
„Долго размислував и имав многу дискусии, но верувам дека е вистинско време да отстапам место на нова енергија, нови луѓе и нови можности“, вели 58-годишниот Штрајх во видеото објавено на клупската веб-страница.
Под негово водство, Фрајбург го доживеа најпросперитетниот период во својата историја. Во сезоната 2022/23 првпат во историјата го одведе клубот до осминафиналето на Лигата на Европа, а во 2022 година не успеа да го постигне најголемиот успех, Фрајбург го загуби од Лајпциг финалниот меч во Купот на Германија.
Штрајх добиваше понуди од неколку германски клубови со поголеми буџети, но секогаш избираше да остане во Фрајбург.
Спорт
Поп за Вембањама: Сите мои најдобри вина се постари од него
Во својата прва НБА сезона, Французинот Виктор Вембањама докажува дека големиот интерес што го предизвика неговиот трансфер во Сан Антонио е оправдан. Вемби беше први пик на драфтот, а во својата прва сезона покажува дека е генерациски талент.
Во 60. натпревари што ги одигра досега оваа сезона, тој има просек од 20,8 поени (46% од поле, 32% за три, 80% пенали), 10,4 скока, 3,5 асистенции, 3,5 блокади.
Изминатата ноќ, Вемби одигра историски меч, во победата над Бруклин забележа 33 поени 15 скока, 7 асистенции, 7 блокади и 4 загубени топки.
Сигурно е дека најголемите заслуги за неговата брза адатација во НБА има Грег Попович, тренерска легенда во НБА.
„Вембањама е мултиталентиран млад чове“. Ќе ни покаже работи кои никогаш не сме ги виделе. Денешниот натпревар беше еден од нив. Тој е се подобар во контакт играта, се навикна дека противничката одбрана посебно внимава на него. Тој е во тешка позиција и одлично се справува со тоа“, изјави „Поп“ по уште една фантастична партија на младиот Французин.
Дали тренерот Попович е возбуден што ќе продолжи да работи во НБА во следните пет години?
„Се возбудувам само кога ќе видам дека имам постаро шише француско „Бордо“ и се грижам дека не е премногу старо, а потоа сфаќам дека всушност е совршено. И сите мои најдобри вина се постари од Виктор. Тоа е вистината“.