Повеќе италијански извори тврдат дека Јувентус, конечно, се договориле со Анхел ди Марија за договор, иако претходно вестите велеа дека веќе нема да го чекаат аргентинскиот ветеран, кој е слободен играч по крајот на договорот со Пари Сен-Жермен, каде што помина седум години.

Барселона исто така му понуди договор, по што Аргентинецот побарал дополнително време да се советува со своето семејство. Сега, според „Ла газета дело спорт“ и „Ла стампа“, Ди Марија се согласил на трансфер со годишна плата од 7 милиони евра.

Ди Марија побарал едногодишен договор со опција за уште една, за да може да се врати во Аргентина по Светското првенство во Катар.

Францускиот атлетичар Вилфрид Апио стигна до сензационална победа на 400 метри со пречки на националниот шампионат, иако 20 минути пред трката беше нападнат во шокантни сцени во Каен.

Апио се загревал за трката во саботата навечер, кога еден човек успеал да го помине обезбедувањето и да упати неколку удари во неговата глава, пред тренерот на Апио, Оливие Валеас да го блокира напаѓачот. 23-годишниот Апио кашлал крв пред трката, но решил да настапи со преврска на окото, за да стигне до победа со личен рекорд од 48.57.

„Не сакам да зборувам за тоа што се случи, ќе оставиме на компентентните луѓе. Чувството во трката беше добро и тој покажа што умее“, изјави тренерот по трката.

Апио сега се квалификуваше за Светското јуниорско првенство во Орегон, САД.

🔥 Minima pour les Mondiaux de Eugene !

🥇 Wilfried Happio (Lille Métropole Athlé) champion de France Elite du 400 m haies en 48''57 !

💪 Cinquième meilleur performeur 🇫🇷 de l'histoire !

💻 Suivez les #CFAthlé en DIRECT sur https://t.co/63xdTVtG50 et @lachainelequipe. pic.twitter.com/s4QTyk50iT

— FFAthlétisme (@FFAthletisme) June 25, 2022

Во понеделник во Лондон започнува 135-то издание на најстариот тениски турнир Вимблдон, кој, многумина тенисери, го сметаат и за неофицијално светско првенство. Во наредните две седмици, најдобрите светски тенисери и тенисерки ќе се обидат да триумфираат во некоја од петте категории: машка, женска, игра во двојки и микс двојки.

За главен фаворит за освојување на третиот овогодишен гренд-слем турнир се смета минатогодишниот победник, Србинот Новак Ѓоковиќ, а, после него, ланскиот финалист, Италијанецот Матео Беретини. Вториот носител на турнирот, и освојувачот на двата овогодишни гренд-слемови, Рафаел Надал, доста е потценет од букмејкерите и се смета за трет кандидидат за победник на турнирот. Својот напад на седмата вимблдонска титула и 21-от гренд-слем, индиректно го најави и Новак Ѓоковиќ во изјавата за Макфакс и Топспорт дека е задоволен како му поминале подготовките, дека тие биле со ист квалитетни како и минатата година и дека се надева дека далеку ќе стигне на турнирот.

Наспроти очекувањата, како и секоја година, можни се изненадувања и некој од фаворитите да биде елиминиран од послабо рангираните тенисери, особено во првата седмица од мечевите. Таков неславен пример на последните два Вимблдона беше грчкиот тенисер Стефанос Циципас, кој, иако доаѓаше на турнирот рангиран меѓу првите десет тенисер, испаѓаше уште во првото коло. Шанса за успех за тенисерите од сенка да направат изненадување се гледа и во одлуката на организаторот да не им дозволи да настапуваат претставниците од Русија и Белорусија, така што првопласираниот на АТП листата, Русинот Данил Медведев нема да биде присутен на зелените терени, исто као и второпласираниот, Германецот Александар Зверев, кој, поради повреда во полуфиналето на Роланд Гарос, исто така, ќе биде отсутен.Иако далеку од некогашната форма, своја желба да игра во финалето, најави и миленикот на домашната публика Енди Мареј.

Во женска конкуренција, најмногу шанси ѝ се даваат на првата тенисерка на светот Ига Швјонтек од Полска, додека далеку зад неа се шампионката од 2019., Романката (со македонски корени), Симона Халеп и седмократната победничка на Вимблдон, Серана Вилијамс од САД. Женската конкуренција е далеку понепредвидлива од машката, така што можни се непредвидливи мечеви уште од првиот ден, па до самото финале.

Како и минатата година, единствен претставник од С. Македонија ќе биде осумнаесетгодишниот Калин Ивановски, кој ќе настапи во јуниорска конкуренција.

Наградниот фонд оваа година е зголемен на рекордни40,35 милиони фунти,што е за 11 посто повеќе од 2021., кога тој изнесуваше 38 милиони фунти. Победниците во поединечна машка и женска конкуренција ќе добијат по два милиони фунти (2,35 милиони евра). Паричната награда е и единствеата сатисфакција за играчите, бидејќи оваа година асоцијациите АТП и ВТА нема да доделуваат поени на тенисерите и тенисерките, поради одлука на организаторите на Вимблдон да им забранат учество на натпреварувачите од Русија и Белорусија.

Од најпрестижниот тениски турнир ќе известуваат околу 550 новинари од над 50 земји. Како и на Вимблдон во 2019. и 2021., и оваа година Макфакс и Топспорт ќе имаат свој известувач од сите четиринаесет дена додека се одржува турнирот.

Ненад Живановски