Спорт
Прво коло во „групата на смртта“
Првиот круг на ЕУРО 2020 ќе го затворат натпреварите во „групата на смртта“. Унгарија од 18 часот ќе игра против Португалија, а пвото коло ќе биде затворено со супер-дербито Германија-Франција.
Унгарија, против Португалија, ќе игра на домашен терен во Будимпешта. Секој резултата кој нема да значи победа на Португалија ќе биде рамен на сензација.
Иако, пред пет години, кога Португалија ја освои титулата, Унгарците во групата успеаја да освојат бод (3:3).
Португалците немаат право на кикс, бидејќи по дуелот со Унгарија ги очекуваат натпреварите против Германија и Франција.
Жоао Кансело, поради коронавирусот нема да игра за Португалија, додека Унгарците се без својот најдобар играч, Доминик Собослаи, кој поради повреда го пропушта ЕП.
Стадионот на Баерн во Минхен, ќе биде местото каде ќе се соочат Германија и Франција.
Французите се апсолутни фаворити, имаат посилен тим од оној кој победи на Мундијалот во Русија пред три години, но Германија никако не смее да се потцени.
Германија, најтрофејната европска селекција, нема пораз на премиерите на континенталните шампионати на последните 12 натпреварувања. Јавноста стравува како ќе изгледаат избраниците на Јоаким Лев, потсетувајќи на дебаклот од Шпанија (6:0) во октомври минатата година и поразот од Македонија во Диселдорф (2:1), пред неколку месеци.
Одбраната на Германија ќе биде под голем притисок, со оглед на тоа дека францускиот напад ќе го предводат Гризман, Мбапе и повратникот Бензема. Секако и Германија има свои адути во нападот, покрај Гнабри, Сане и Вернер, закана по Љорис ќе биде и ветеранот Милер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.