Спорт
Ракометна драма! Кил во продолженија преку Веспрем до големото финале
Кил во еден неверојатен натпревар полн со пресврти и неизвесност, стигна до 36:35 победа над Веспрем по продолженијата и се пласираше во финалето на ЕХФ Лигата на шампиони, каде против моќната Барселона ќе се обидат да стигнат до својата четврта титула, прва од 2012 година.
Во првото полувреме, тимот на поранешниот тренер на Вардар, Давид Дејвис, играше катастрофално во одбраната и на полувремето губеше со дури пет гола разлика (18:13). Но, откако во 42. минута Домагој Дувњак постигна гол за 24:21 водство, Веспрем даде седум гола без одговор за неверојатно 28:24 водство на 10 минути пред крајот на мечот.
Тука не беше крај на пресвртите – сега беше време Кил да постигне пет гола без одговор и да поведе со 29:28, пред Фати Омар да израмни на 29:29, пред ударот на Сандер Сагосен да биде сопрен од голманот Родриго Кораес за продолженија.
Во дополнителното време, изгледаше дека Веспрем е на чекор до победа, откако имаа 34:32 водство, а Петер Винцек доби црвен картон. Меѓутоа, Кил повторно направи камбек и со двата гола на Никлас Екберг стигнаа до големото финале. Хендрик Пекелер заврши со осум гола, Екберг додаде 7 за победничкиот тим, додека за Веспрем најдобри стрелци со седум гола беа Гаспер Маргуч и Вуко Борозан.
ЕХФ ФАЈНАЛ ФОР, ПОЛУФИНАЛЕ
Барселона – Пари Сен-Жермен 37:32 (18:14)
Веспрем – Кил 35:36 (11:8, 11:6, 7:6)
WATCH: BOOM! A @SanderSagosen ? as @thw_handball lead @telekomveszprem #ehffinal4 #ehfcl pic.twitter.com/IQgjobSJdB
— EHF Champions League (@ehfcl) December 28, 2020
WATCH: Lovely Gasper Marguc goal assisted by Yahia Omar for @telekomveszprem ?#ehffinal4 #ehfcl pic.twitter.com/oIoh7i7H9n
— EHF Champions League (@ehfcl) December 28, 2020
WATCH: Brilliant hip shot from @lekaimate66 as @telekomveszprem fight back! ?#ehffinal4 #ehfcl pic.twitter.com/1IpjWt5aUy
— EHF Champions League (@ehfcl) December 28, 2020
WATCH: @Rodrigao016 saves and sends the match into extra time! ?@thw_handball vs @telekomveszprem #ehffinal4 #ehfcl pic.twitter.com/DkUWsEXx6C
— EHF Champions League (@ehfcl) December 28, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мега-трансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.
Спорт
Баер Леверкузен заинтересиран за фудбалер на Реал Мадрид
Баер Леверкузен има фантастична сезона. Избраниците на тренерот Чаби Алонсо ја освоија Бундеслигата и ставија крај на 11-годишната доминација на Баерн, тие се пласираа во финалето на германскиот куп, противник ќе им биде Кајзерслаутерн, а во Лига Европа, во полуфиналето за противник ја добија Рома.
Логично дека постои голем интерес за фудбалерите, кои под водство на Чаби Алонсо немаат пораз на 44 натпревари во сите конкуренции. Тоа значи дека во клубот веќе работат на потенцијалните засилувања.
„Билд“, пишува дека Баер е заинтересиран за Рафа Марин (21), шпански дефанзивец и репрезентативец до 21 година, кој е под договор со Реал Мадрид и оваа сезона е на позајмица во Алавес.
Марин, ги помина сите младински категории на Реал, додека оваа сезона забележа 31 настап како првиот тим на Алавес.
Пјеро Хинкапи и Џонатан Тах се дефанзивци без кои Алонсо би можел да остане и од чија продажба Баер би можел да заработи пари. Од друга страна, за Марин, клубот ќе треба да му плати обесштетување на Реал, бидејќи тој има валиден договор до летото 2026 година.
„Трансфермаркт“, неговата вредност ја проценува на пет милиони евра.