Спорт
Рашфорд: Имам огромна почит кон Рангник, знам дека играм слабо
Маркус Рашфорд инсистира дека има „бескрајна почит“ кон преодниот менаџер на Манчестер јунајтед, Ралф Рангник по извештаите за конфликти во соблекувалната на англискиот гигант, и во исто време признава дека мора да игра подобро оваа сезона.
Рангник го смени Оле Гунар Солскјер во ноември, но во играта на „ѓаволите“ не се гледа голема промена, посебно при 0:1 поразот од Вулверхемптон во понеделникот, и англиските медиуми шпекулираа дека дури 17 фудбалери се незадоволни во клубот. Рашфорд реши да го демантира ова.
„Прочитав некаде дека сум бил тивок на теренот, но што можам да кажам за да ја направам ситуацијата подобра од тоа што ќе го покажам на теренот? Сите сме разочарани со последните мечеви и посебно разочарани од вестите кои ја покриваат нашата посветеност кон менаџерот и кон клубот. Имам бескрајна почит кон тренерот и клубот и се обидувам да ја подобрам мојата игра во Манчестер јунајтед. Не сум разочаран, не сум несреќен. Дали сум разочаран од дел од моите игри? Секако дека сум. Јас сум најголемиот критичар. Стартот беше тежок, но сакам да ја докажам мојата вредност. Мојата посветеност и желба да бидам тука никогаш не треба да биде под сомнеж. Го сакам овој клуб“, пишува Рашфорд.
https://t.co/SmpwLWT4mP pic.twitter.com/1I258YvrCm
— Marcus Rashford MBE (@MarcusRashford) January 8, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Миовски избран во тимот на сезоната во Шкотска
Maкедонскиот репрезентативец Бојан Миовски доби награда за извонредите парти во Премиер лигата на Шкотска. Миовски е избран во идеалниот тим на сезоната.
Миовски го предводи нападот во формацијата 4-3-3 заедно со Лоренс Шанкленд од Хартс, Тио Бер од Мадервил.
🏆 PFA Scotland Premiership Team of the Year.
As voted by the players, here’s your selection for 23/24:
Jack Butland
James Tavernier
Cameron Carter-Vickers
Liam Scales
Owen BeckMatt O’Riley
John Lundstram
Callum McGregorBojan Miovski
Lawrence Shankland
Theo Bair… pic.twitter.com/FjQ5HNpQgm— PFA Scotland (@PFAScotland) April 20, 2024
Инаку, Миовски денеска постигна гол во полуфиналето на Купот против Селтик, но неговиот тим не успеа да се пласира во финалето.
Натпреварот заврши 3:3, а Селтик пебал-серијата ја доби со 6:5.
Bojan Miovski LOVES Hampden Park! 😍
A dream start for @AberdeenFC as they take the lead against Celtic 🔴#ScottishCup pic.twitter.com/ePvLHsIF81
— Premier Sports (@PremSportsTV) April 20, 2024
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.