Спорт
Рашфорд: Како дете гледав во постерите на Бекам и Сколс, така се мотивирав
Маркус Рашфорд денеска со Манчестер Јунајтед ќе прослави посебен момент во историјата на клубот. Кога екипата на Оле Гунар Солскјер ќе истрча на „Олд Трафорд“ на мечот против Евертон тоа ќе биде по 4.000-ти пат во низа во екипата да има играч кој потекнува од јуниорскиот погон на „црвените ѓаволи“.
Оваа низа започна на мечот од Втората дивизија против Фулам, на 30 октомври 1937 година, пишува „ББС спорт“.
Дебито на Рашфорд за тимот во Лига Европа пак беше на 25 февруари 2016 година, против дански Митјиланд. Тогашниот тренер на „ѓаволите“ Луј Ван Гал го ставил во почетниот состав откако Марсијал се повредил на загревањето. Рашфорд постигна 2 гола во победата од 5-1.
Младиот напаѓач до сега има 191 настап за првата екипа, а постигна 58 гола.
Во февруари 2018 година неговиот постер е поставен веднаш до оние на Дејвид Бекам, Пол Сколс и Ники Бат, на ѕидот на зградата на академијата на Јунајтед во кампот „Керингтон“.
Минатиот викенд тренерот Солскјер изјави дека Рашфорд би можел да го достигне нивото на Кристијано Роналдо.
„Кога бев мал, ги гледав фотографиите на Бекам и на Сколс на ѕидовите во кампот, тоа ми даваше одлучност секогаш кога доаѓав на тренинг. Сакав да го достигнам нивното ниво. Споредбата со Роналдо е убава, тоа секако ми е комплимент. Но јас знам уште колку работа ме чека да го достигнам тоа ниво“ – вели Рашфорд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…