Спорт
Рашфорд стана почесен доктор исто како менторот Фергусон

Ѕвездата на Манчестер јунајтед, Маркус Рашфорд, доби почесен докторат од Универзитетот на Манчестер на посебна церемонија на „Олд Трафорд“, на која присуствуваше и неговиот ментор, сер Алекс Фергусон.
Со своите 23 години Рашфорд е најмладиот носител на оваа награда, која требаше да му биде доделена уште во јули 2020, но беше одоложена поради пандемијата на коронавирусот. Тој ја добива наградата за својата јавна работа со кампањата против детска сиромаштија, но и поради остварувањата на теренот.
Тој им се приклучува на легендите на Манчестер јунајтед, сер Алекс Фергусон и сер Боби Чарлтон, со оваа награда, а токму Фергусон заедно со пријателите и семејството на Рашфорд беше на церемонијата.
„Да се биде тука во присуство на такви големи имиња како сер Алекс и тие што одиграа голема улога во мојот пат е навистина посебно. Денеска ја добивам наградата за борба против детската сиромаштија, а вчера милиони британски семејства загубија приход од владата, кој ќе се одрази драстично на нивниот живот. Затоа, ова ми носи и горчлив вкус во устата. Време е политичарите да се погрижат и за заедниците како мојата. Ковид-19 не смее да биде изговор“, изјави Рашфорд.
Family ♥️ https://t.co/dDGpn1G8GO pic.twitter.com/j88z04dCYO
— Marcus Rashford MBE (@MarcusRashford) October 8, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хофенхајм го отпушти тренерот

Фудбалскиот клуб Хофенхајм денеска го отпушти Андре Брајтенрајтер од тренерската функција. Хофенхајм нема победа на последните девет натпревари во Бундеслигата.
Брајтенрајтер ја презеде функцијата во мај минатата година, а последната победа со Хофенхајм ја забележа во октомври минатата година.
Хофенхајм во саботата беше поразен на гостувањето кај Бохум со 5:2. Тимот сега се наоѓа на 14. место на табелата во Бундеслигата, три бода над зоната за испаѓање.
Германскиот тренер минатата сезона го предводеше Цирих до титулата во швајцарскиот шампионат, а беше тренер и на Падерборн, Хановер и Шалке.
Следниот меч од Бундеслигата на Хофенхајм го игра на домашен терен против Баер Леверкузен.
Спорт
Чави: Реал не е мртов, туку е фаворит за шампионската титула

Барселона ја совлада Севиља со 3:0 во дербито на Примера и по поразот на Реал Мадрид од Мајорка сега на табелата има осум бодови повеќе од најголемиот ривал.
Каталонците блескаат во овогодинешниот шампионат. Загубија само еден натпревар и примија вкупно седум гола на 20 натпревари.
Тренерот на Барселона, Чави, не дозволува тимот да влезе во еуфорично располоѓение, истакнува дека се уште ниѓто не е готово.
„Осум бода се голема предност, но се уште не сме освоиле ништо. Реал може да победи секого, и не заборавајте дека тие треба да дојдат на Камп Ноу“.
Чави смета дека Реал се уште е најголениот фаворит за освојување на титулата.
„Реал е мртов? Нема шанси. Толку пати докажаа дека се способни да направат голем камбек. За жал, тоа го доживеав како играч и не би сакал да го доживеам тоа сега како тренер. Без разлика на нашата предност, фаворит за освојување на Ла Лига е Реал. Затоа што е актуелен шампион на Шпанија и Европа. Ние сме кандидати за титулата“, заклучи Чави.
Спорт
Матеус: Ноер не треба да биде капитен на Баерн

Мануел Ноер неславно може да ја заврши кариерата во Баерн. Пред нешто повеќе од еден месец тој на скијање ја скрши ногата, поради што ја заврши сезоната,а минатат недела го критикуваше клубот, поради отказот што го доби тренерот на голманите и негов голем пријател, Тони Топаловиќ.
Легендата на Баерн, Лотар Матеус е последниот човек поврзан со клубот кој јавно го нападна Мануел Ноер поради контроверзното интервју што го даде пред неколку дена.
Еден од најголемите асови на светскиот фудбал, смета дека Баерн треба да му ја одземе капитенската лента.
Германскиот голман во последните денови беше жестоко критикуван од челниците на клубот Хасан Салихамиџиќ и Оливер Кан.
Ноер, ја нарече „луда“ одлуката на клупските челници кои неодамна му врачија отказ на долгогодишниот тренер на голманите, Тони Топаловиќ.
„Прво скијаше лежерно, а сега дава интервју во кое жестоко го напаѓа клубот. Нели пред неколку недели рече дека никој не е над клубот“, рече Матеус, кој смета дека, Ноер му нанел „голема штета“ на клубот и поради тоа не ја исклучува можноста, Баерн да се ослободи од Ноер „можеби дури и засекогаш“.
„Она што најмногу ме загрижува за интервјуто на Мануел е што очигледно не размислувал кога ги бирал зборовите“, заклучил Матеус.