Спорт
Распродажба на „Стенфорд Бриџ“
Фудбалскиот клуб Челси планира сериозна реконструкција на играчкиот кадар во летниот преоден рок. Челси е еден од клубовите кои имаат голем број на фудбалери под договор и голем број на играчи кои настапуваа како позајмени во клубовите ширум Европа.
Таков пример е Марио Пашалиќ кој е играч на Челси но никогаш не заиграл за овој тим. Хрватот е позајмен во Аталната која ќе го откупи неговиот договор за 15 милиони евра.
Покрај Пашалиќ клупските челници во летниот преоден рок ќе се ослободат уште од 12 фудбалери.
На трансфер листата има звучни имиња: Емерсон Палмиери, Маркос Алонсо, Рос Баркли, Миши Батшуаи, Курт Зума, Андрес Кристенсен, Баб Рахман, Темуе Бакајоко и Виктор Мосес.
Клубот би можеле да го напуштат и Нголо Канте и Жожињо но само под услов Челси за овие двајца да добие атрактивини понуди.
Исто така неизвесна е и судбината на оливие Жиру иако тој неодамна го продолжи договорот.
Челси се активни на фудбалскиот пазар веќе ги донесоа Хаким Зијеш и Тимо Вернер. За нивните трансфери клубот потроши 94 милиони евра. Исто така клубот не го крие интересот за Каи Хаверц и Бен Чилвел и се очекува барем еден од двајцата да се пресели во Лондон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.