Македонската ракометна репрезентација синоќа со пораз од фаворитот Шведска (30-22) го започна своето седмо учество на Светските ракометни првенства. Токму на вчерашниот меч во Каиро капитенот на репрезентацијата, Кире Лазаров влезе во историјата.

Тој стана првиот играч кој постигнал гол на Светско првенство во четири различни декади.

Првиот негов погодок на Мундијалите беше во истата сала во која настапи и синоќа, во Каиро, во далечната 1999 година, како 19-годишник во последните секунди на мечот што Македонија го доби против Саудиска Арабија.

Против Швеѓаните вчера со полни 40 години гаѓаше со 50-процентна успешност, 5 гола од 10 обиди.

Фудбалерот од средниот ред на Манчестер Јунајтед, Португалецот Бруно Фернандеш е прогласен за играч на месец декември во Премиерлигата. Со тоа тој стана првиот играч во историјата на ова елитно натпреварување кој во една календарска година четирипати го добива ова признание.

Бруно минатиот месец постигна 3 гола и му помогна на тимот на Оле Гунар Солскјер да се искачи на врвот во ПЛ. Во декември португалскиот ас имаше и 4 асистенции.

Сезонава неговиот учинок е 15 гола на 26 меча во сите натпреварувања.

Bruno Fernandes has been named Premier League Player of the Month for December 🏆

He's the first player EVER to win the award four times in one calendar year 🔥 pic.twitter.com/iXORGVgeAu

— Goal (@goal) January 15, 2021

Не е тајна дека довчерашната прва ѕвезда на Хјустон Рокетс, Џејмс Харден го избра тимот на Бруклин Нетс за конечно да стигне до шампионската титула во НБА лигата која во тандем со Кајри Ирвинг и Кевин Дурант сезонава би била достижна.

Сепак, „брадата“ според информациите, жртвувал најмалку 13 милиони евра само за да премине во клубот кој има шампионски амбиции.

Договорот на Харден со „ракетите“ е за уште 3 сезони и предвидено е само годинава да инкасира 41.2 милиони доалри. Наредната сезона платата му се зголемува на 44.3, а последната година од договорот годишите примања треба да му се 47.3 милиони долари.

Сега со преминот на кошаркарот во Бруклин, неговата плата спаѓа во законите на државата Њујорк која има далеку поголем данок за разлика од Тексас. Кога ќе се соберат сите дополнителни трошоци што ќе ги има во Њујорк, Харден ќе биде „потенок“ за најмалку 13,6 милион долари.

Дали жртвата ќе му се исплати ќе се види веќе на лето.