Спорт
Реал без Мбапе против Барселона
Тренерот на Реал Мадрид, Алваро Арбелоа, го одреди списокот на играчи за Ел Класико и гостувањето во Барселона, а на него не е напаѓачот Килијан Мбапе, но во тимот се врати голманот Тибо Куртоа.
На списокот се наоѓаат:
голмани – Куртоа, Андреј Лунин, Серхио Местре
одбрана – Давид Алаба, Трент-Александар Арнолд, Раул Асенсио, Алваро Карерас, Фран Гарсија, Антонио Ридигер, Дин Хујсен, Давид Хименез
среден ред – Џуд Белингам, Едуардо Камавинга, Орелијан Чуамени, Тијаго Питарч, Хорхе Кастро, Сезар Паласиос
напад – Винисиус Жуниор, Гонзало Гарсија, Брахим Дијаз, Франко Мастантуоно.
Натпреварот од 35-то коло од шпанското првенство помеѓу Барселона и Реал Мадрид ќе се игра вечерва во 21:00 часот на стадионот „Камп Ноу“.
Барселона е лидер на табелата во шпанското првенство со 88 бода и доколку не загуби вечерва, ќе ја од шампионската титула три кола пред крајот на првенството. Реал е втор на табелата со 77 бода.
Foto/ depositphotos
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дивок Ориги замина во пензија
Поранешниот напаѓач на Ливерпул, Дивок Ориги, официјално стави крај на својата кариера.
Ориги припаѓа на оние важни, но не премногу експонирани играчи, кои имаа големо влијание врз тој клуб.
Белгискиот фудбалер со Ливерпул ги освои речиси сите титули: во Премиер лигата, Лигата на шампионите и ФА Купот…
Одигра 175 натпревари за „Црвените“, постигнувајќи 41 гол.
Играше и за тимови како Лил, Волфсбург, Милан и Нотингем Форест, додека за белгиската репрезентација одигра 32 натпревари.
Кога новинарите на „Скај Спортс“ го прашаа пред на кој гол најмногу ќе се сеќава кога ќе ја заврши кариерата, Ориги рече:
„Оној против Евертон на моето деби во 96-та минута, како и двата во полуфиналето на Лигата на шампионите против Барселона.“
Foto/ Depositphotos
Спорт
Тимбер ќе го пропушти Мундијалот
Јуриен Тимбер ќе го пропушти Светското првенство. Дефанзивецот на холандската репрезентација и на Арсенал не успеа соодветно да се опорави од повредата на препоните, па тренерот Роналд Куман одлучи наместо него да го повика Лутшарел Гертруида, дефанзивецот на Сандерленд.
Повредата на Тимбер е тежок удар за Холандија, со оглед на тоа што тој е нивниот втор највреден играч. „Трансфермаркт“, ја проценува вредноста на Тимбер на 70 милиони евра, десет помалку од играчот од средниот ред на Ливерпул, Рајан Гравенберч.
Тимбер не играше повеќе од два месеци, па се врати во финалето на Лигата на шампионите.
Препоните ги повреди кон средината на март и пропушти повеќе од два месеци. Тој се врати на теренот во финалето на Лигата на шампионите, каде што играше од 66-та минута во поразот на Арсенал од Пари Сен Жермен по изведувањето на пенали.
До повредата минатата сезона, Тимбер беше стандарден играч во првиот тим на Арсенал на позицијата десен бек. Тој одигра вкупно 44 натпревари со учинок од четири гола и седум асистенции. Тој беше со Холандија на Светското првенство во 2022 година, но ова е негово второ големо натпреварување по ред кое го пропушта поради повреда. Тој не учествуваше на Европското првенство пред две години бидејќи се опоравуваше од скинати предни вкрстени лигаменти.
Foto/ Depositphotos
Спорт
САД му забранија влез во земјата на најдобриот африкански судија
На судијата Омар Абдулкадир Артан, избран од ФИФА да го суди Светското првенство, му беше одбиен влезот во Соединетите Држави по пристигнувањето. Иако ја доби потребната виза по долг процес, неговото пристигнување во САД, за разлика од другите африкански службеници, не помина без проблеми.
Артан, кој неодамна беше прогласен за најдобар африкански судија за 2025 година, беше запрен на аеродромот и вратен во Турција без јасно објаснување.
Веста брзо одекна на социјалните мрежи, каде што беше потврдено дека причините за одбивањето на влезот не беа наведени.
„На врвниот африкански судија Омар Абдулкадир Артан му беше одбиен влезот во Соединетите Држави по пристигнувањето за Светското првенство во 2026 година. Тој беше вратен во Турција, без очигледна причина“, објавува „The Daily Somalia“ на платформата „X“.
Сомалија е меѓу земјите кои се соочуваат со ограничувања за влез во САД, при што на повеќето сомалиски граѓани им е забрането да добиваат одредени категории визи, со ограничени исклучоци за дипломати и случаи кои се сметаат за важни за националниот интерес на Соединетите Американски Држави.
Ова е уште една луда ситуација пред почетокот на Светското првенство во фудбал.
Познато е дека на многу фудбалери и луѓе од светот на фудбалот кои доаѓаат од политички проблематични земји им е забранет влез во САД, иако треба да учествуваат на Светското првенство, кое започнува на 11 јуни.
