Спорт
Реал го понижи Фенербахче сред Истанбул и му го расипа јубилејот на Обрадовиќ! (видео)
И покрај тоа што во нивниот состав недостасуваа четири клучни играчи, Реал Мадрид го совлада Фенербахче во Истанбул со неверојатни 29 поени разлика (65:94), нанесувајќи го највисокиот домашен пораз на турскиот клуб во ерата на тренерот Жељко Обрадовиќ.
Тоа што порано беше дерби на Евролигата, овојпат се претвори во понижување на противникот, иако кај „кралевите“ не играа Ентони Рендолф, Серхио Љуљ, Џеф Тејлор и капитенот Фелипе Рејес. Џејси Керол ја искористи шансата постигнувајќи 20 поени, Валтер Таварес додаде 16, додека Треј Томпкинс даде 14 во само 13 минути игра.
За Фенер, Нандо де Коло имаше 21 поен, а Јан Весели 16, но двајцата не беа вистински фактор во играта на турскиот клуб. Реал имаше предност од 47:31 на полувреме, и одлични 71% во обидите за два поени (28/39). Фенер се доближи на девет поени (58:49) во третата четвртина, но одговор на ова беше 13:2 серија за комплетирање на победата.
Ова е првпат во ерата на Обрадовиќ Фенер да загуби дома со повеќе од 10 поени разлика, а 29-те поени разлика претставуваат трет најголем пораз во историјата во Евролигата. Иронично, понижувачкиот пораз доаѓа во 500. меч на српскиот тренер на клупата на Фенербахче, за што навивачите му приредија и посебно признание.
kalbim fazlasıyla kırık ama Obradovic bize umutların en son öleceğini öğretti.Matematik bitti diyene kadar…. pic.twitter.com/GlvTU8oz6M
— yaren (@afanofbbeko) February 20, 2020
ЕВРОЛИГА, 25.КОЛО
Зенит Петерсбург – Алба Берлин 81:83 (25:15, 17:23, 22:20, 17:25)
Олимпијакос – Асвел Лион 77:68 (20:21, 23:12, 18:17, 16:18)
Фенербахче – Реал Мадрид 65:94 (15:22, 16:25, 20:24, 14:23)
Армани Милано – Химки 69:78 (16:21, 22:18, 13:20, 18:19)
Басконија – Жалгирис Каунас 60:74 (17:13, 18:17, 10:21, 15:23)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.