Спорт
Реал Мадрид со Мбапе и Халанд како нови „галактикоси“ во 2022
Според ЕСПН, Реал Мадрид се обидува да склучи два клучни договора следното лето носејќи ги Ерлинг Халанд и Килијан Мбапе во обид да ги искористат финансиските проблеми на Барселона и да ги добијат двајцата млади фудбалери за кои плачат половина богати европски клубови.
Реал не успеа во трансферот од 200 милиони евра за 23-годишниот Мбапе од Пари Сен-Жермен минатото лето и се очекува тој да пристигне на „Сантијаго Бернабеу“ како слободен играч по крајот на договорот, а исто така верува дека е во предност во трката за 21-годишниот Халанд од Борусија Дортмунд и покрај конкуренцијата од големите клубови од Манчестер и Пари Сен-Жермен.
Четири фудбалери, кои заработуваат екстремни плати во Реал Мадрид (Герет Бејл, Иско, Лука Модриќ и Марсело), остануваат без договор на крајот на сезоната и претседателот Флорентино Перез смета дека клубот е подготвен за ваква авантура за создавање нови „галактикоси“.
Халанд ќе побарува најмалку 35 милиони евра годишна плата ако си замине од Дортмунд, а Реал исто така ќе треба да ја плати и клаузулата во неговиот договор со Борусија на висина од 75 милиони евра.
Барселона вообичаено би претставувала прва пречка за вакви договори, но откако во септември објави дека има долгови од 1,35 милијарда евра, невозможно е да се натпреварува на пазарот на играчи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.