Поранешниот светски рекет број 1, Џим Куриер вели дека австралиската јавност мора да му даде нова шанса на Новак Ѓоковиќ по контроверзите околу наводната „листа на барања“ која ја објавил српскиот светски број 1.

Ѓоковиќ е еден од 72-те тенисери и тенисерки кои беа приморани да бидат во карантин во Австралија откако во нивните чартер-летови имаше позитивни луѓе на КОВИД-19 и тој побара од властите подобра храна за тие кои се во во локдаун во хотелите и можност да се преселат во „приватни куќи со тениски терени“. Австралиските власти веднаш го одбија ова, а 17-кратниот освојувач на гренд слем турнири мораше да се правда дека не е „себичен, тежок и неблагодарен“.

Куриер вели дека Австралијците не треба да се престроги кон Србинот.

„Новак сакаше да застане зад другите тенисери тука во Австралија. Тој сакаше да биде лидер, и тоа лошо се протолкува во јавноста и се надевак дека Австралијците ќе му дадат шанса барем да објасни што мислеше. Тој е чувствителен кон јавното мислење и се обидува да се докаже. Според тоа што го направил на теренот треба да е миленик на публиката, но пристигна на сцената кога многу фанови решија да навиваат за Федерер или Надал“, вели Куриер.

Ѓоковиќ со писмо ги објасни своите „разумни“ барања

Роман Абрамович вообичаено е тивкиот газда, тој што ги влече конците од заднина, но не се експонира во јавноста, а по одлуката да го отпушти Френк Лампард, рускиот милијардер (кој сега наводно живее во Израел), реши да се јави со официјално соопштение.

Тој му се заблагодари на 42-годишниот Лампард за речиси двегодишната соработка и посочи дека статусот на Англичанецот како икона на Челси останува без дамка. Ова е првпат Абрамович да даде соопштение по смена на тренер.

„Ова беше многу тешка одлука за клубот не само поради моите одлични лични односи со Френк и огромната почит што ја имам кон него. Тој е човек со огромен интегритет и највисока работна етика. Меѓутоа, под сегашните услови веруваме дека е најдобро да се смени менаџерот. Од сите во клубот, бордот и од мене лично, би сакал да му заблагодарам на Френк за рабоата и да му посакам успех во иднина. Тој е важна икона на овој голем клуб и неговиот статус тука останува без дамка. Секогаш ќе биде топло добредојден на ‘Стемфорд бриџ’“, се вели во изјавата на Абрамович на официјалната веб-страница на клубот.

Потврда од Челси: Му врачивме отказ на Лампард

Един Џеко до крајот на предониот рок би може да ја напушти Рома. Нетрпеливоста помеѓу него и тренерот Фонсека кулминираше пред десет дена, поради што Џеко, викендов не играше против Специја.

Во Рома се подготвени да продолжат понатаму без репрезентативецот на Босна и Херцеговина. Во клубот во Белгија го нашле играчот кој требада го замени капитенот.

Станува збор за напаѓачот на Бриж, Роман Јаремчук. Италијанските медиуми тврдат дека веќе се започнати преговорите помеѓу клубовите.

Според овие извори, Бриж, за својот напаѓач бара 12.000.000 евра.