Спорт
Рио Фердинанд до Манчестер Јунајтед: Земете ги Кејн и Санчо!
Легендарниот дефанзивец на Манчестер Јунајтед, Рио Фердинанд го кажа своето мислење за тоа кои две засилувања би биле идеални за „црвените ѓаволи“.
Фердинанд кој работи како телевизиски коментатор во Англија има многу високо мислење за голгетерот на Тотенхем, Хари Кејн.
„Прво засилување за Јунајтед би бил Хари Кејн. Хари е секогаш мирен и сталожен, но неодамна со изјавите `фрли бомба`. Чекаше да направи нешто големо со Тотенхем, но тоа не се случи и фрустриран е. Мислите дека Хари би бил среќен да дава голови, да соборува рекорди, а да не освои ниеден важен трофеј во кариерата? Не. Знам дека Јунајтед ќе се обиде да го доведе затоа што е совршен за тој клуб. Сигурен сум дека истото ќе се обиде да го направат и Јувентус или Реал Мадрид. Ќе бидат големи пари во игра, барем околу 130 милиони фунти“ – нагласи Фердинанд.
? Rio Ferdinand on Harry Kane:
"I know #mufc will be in for him because that type of player is perfect for them." pic.twitter.com/rfek03VkhP
— United Hub (@UnitedNewsHub) March 31, 2020
Кога се работи за второто евентуално засилување, Фердинанд нема дилема – Џејдон Санчо.
„Џејдон е еден од најдобрите млади играчи во светот. Треба да отиде во екипа во која дополнително ќе напредува, но и да освојува трофеи. Со него освен Јунајтед, се поврзуваат и Челси и ПСЖ, но мислам дека Јунајтед за него е најдобриот избор, затоа што сум пристрасен“ – смета екс-фудбалерот.
Man Utd hero Rio Ferdinand has warned Jadon Sancho off a move to Liverpoolhttps://t.co/1o4iCsKcIc pic.twitter.com/Rlk4loxI2M
— Daily Star Sport (@DailyStar_Sport) March 31, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.
Спорт
(Видео) При резултат 5:1, во 92.минута Тонали намерно добил жолт картон?
Фудбалската асоцијација на Англија (ФА) покрена дисциплинска постапка против играчот на Њукасл, Сандро Тонали (23), поради наводни прекршувања на обложувањето по неговата преселба во Премиер лигата.
За потсетување, италијанскиот играч од средниот ред веќе одлежува 10-месечна суспензија откако Италијанската фудбалска федерација (ФИГЦ) го казни минатиот октомври поради прекршување на правилата за обложување додека беше играч на Милан.
Тонали призна дека ги прекршил правилата за коцкање во својата земја, се обложувал од 2020 до 2023 година на нелегални платформи, а неговата суспензија трае до 27 август.
Сега постапка против него покрена и ФА откако 50 пати ги прекршил правилата, обложувајќи се на фудбалски натпревари помеѓу 12 август и 12 октомври 2023 година.
Откако беше објавено дека Тонали е под истрага и од Англија, се појави видео од натпреварот Њукасл-Астон Вила на 12 август, кога тој дебитираше за „страчките“.
Тонали, беше заменет во 92.минута, а бидејќи бавно ги напушташе теренот доби жолт каротн. Инаку во тој момент Њукасл имаше предност 5:1.
— Goncalodias2 (@goncalovideoss) October 17, 2023
Многумина веруваат дека Тонали точно знаел што прави во оваа ситуација и дека намерно добил жолт картон, бидејќи се обложил. Италијанскиот играч за врска има рок до 5 април да одговори на обвинувањата на ФА.
Тонали во јули минатата година од Милан се пресели во Њукасл за 70 милиони евра, што го прави најскапиот италијански играч во историјата.