Спорт
Роберто Карлос потшипа за англиски нисколигаш!
Роберто Карлос, легендарниот бразилски поранешен фудбалер и освојувач на Светско првенство, во февруари ќе заигра за Бул ин д барн (The Bull in the Barne), англиски „паб“ фудбалски клуб, во еден од најинтересните трансфери овој преоден рок.
Бул ин д барн успеаја да ги добијат услугите на 48-годишниот Карлос преку аукција на „ИБеј“, гарантирајќи дека ќе се појави како замена во еден од нивните натпревари во февруари во лигата Шрузбери енд Дистрикт.
Клубовите од таканаречената „неделна лига“ во Англија, каде што играат аматери или тие кои излегуваат во ист паб, имаа шанси преку аукцијата од 5 фунти да го добијат потписот на Карлос. Сите средства собрани ќе одат во добротворната организација „Фудбал без граници“.
Ед Спелер, кој е менаџер и играч на клубот, вели дека едноставно имале среќа.
„Еден од пријателите ми пушти линк од наградната игра и мислев дека ќе биде забавно да се вклучиме. Кога добив имејл, полудев. Роберто Карлос е легенда и еден од најдобрите во историјата и уште не ни се верува. Ние сме само аматерски паб-клуб од Шропшајр, каде што сите плаќаат да играат и тој сега ќе игра со нас. Ние играме на терен во близина на халата во Хенвуд, каде што не работат сите тушеви. Обично имаме публика од неколку членови на семејствата, но имаме и двајца постари фанови, господин и госпоѓа Тарал, кои се тука без разлика на мечот и временските услови“, вели Спелер.
OFFICIAL! The Man, The Myth, The Legend will join Bull In The Barne United for one extraordinary game of football. Dare I say the best Sunday League transfer in history ?Welcome to Shrewsbury! Welcome to the Bull! #dreamtrasnfer #Transfers #transfernews #TransferWindow pic.twitter.com/dVwGSfJ5LQ
— Bull In The Barne United (@BITBUnited) January 31, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.