Спорт
Родителите на Ѓоковиќ му штетат со коментарите за Роџер Федерер
„Не знам зошто луѓето не го сакаат како Роџер Федерер и Рафаел Надал“, изјави Дијана Ѓоковиќ, мајката на Новак во интервју за магазинот „Џи Кју“ пред некое време, во последна изјава во која родителите на светскиот рекет број 1 ја продолжуваат јавната битка со Роџер Федерер, која повеќе штети за имиџот на Србинот.
„Искрено, не знам, бидејќи тој е добар, работи напорно, но луѓето не го сакаат како Федерер и Надал. Можеби бидејќи ги победува постојано и не можат да го трпат толку“, додаде Дијана.
Неодамна, за српските медиуми таа зборуваше за драматичната победа на Новак на Вимблдон над Федерер.
„Тоа беше најтешкиот меч. На терен каде што сите му аплаудираа на Федерер, многу малку навиваа за Новак. Тоа ме нервираше, бидејќи Федерер е малку арогантен. Не можам да најдам објаснување и тоа ме нервира“, изјави Дијана.
Ова не е издвоен случај во изјавите на родителите на 17-кратниот гренд слем шампион. Оваа година на Австралија опен, неговиот татко Срѓан призна дека му пречи што фановите не навиваат за неговиот син.
„Седумкратниот шампион играше на централниот терен против Австриец (Доминик Тим) и тие навиваат за Австриецот. Тоа е непочитување. Секогаш мислев дека тенисот е спорт за богатите луѓе и знам дека ги нервира што Србин е број 1“, изјави Срѓан.
Тој директно го обвини Федерер дека не е „добра личност“.
„Можеби Федерер уште е најдобриот тенисер во историјата, но како личност, целосно е спротивен. Го нападна Новак на Дејвис купот во Женева бидејќи знаеше дека е негов наследник и сакаше да го дискредитира. Федерер беше љубоморен на Новак од моментот кога тој се појави, бидејќи знае дека ќе го победи“, додаде Срѓан.
Засега, ниту Роџер, ниту Новак не ги коментирале овие изјави, посебно бидејќи се работи за двајца врвни спортисти кои сигурно се респектираат и кои дури играа заедно на Лејвер купот. Ако нема љубов меѓу двајца, сигурно има професионално однесување, но ваквите коментари сигурно повеќе му наштетуват на Ѓоковиќ отколку на Федерер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.