Спорт
Родригез: Реал не ме пуштија да заминам минатото лето
Хамес Родригез тврди дека Реал Мадрид не му дозволиле да направи трансфер во друг шпански клуб минатото лето, кога исто така одбил понуда да нстапува во италијанската Серија А.
„Кралскиот“ клуб плати 75 милиони евра на Монако за Колумбиецот во 2014 година, давајќи му петгодишен договор по фантастичните настапи за репрезентацијата на СП во Бразил во 2014, кога стигнаа до четврт-финалето, а тој беше најдобар стрелец.
Меѓутоа, 28-годишниот Хамес не се изнаигра во шпанската престолнина поради проблемите со формата и со физичката подготвеност и помина две години на позајмица во Баерн Минхен пред да се врати минатото лето. Тој не успеа да се наметне во тимот на Зинедин Зидан и имаше само 14 меча оваа сезона. Тој е поврзуван со заминување од клубот, но вели дека имал таква шанса и лани.
„Имаше многу добра понуда од шпански тим, но Реал Мадрид ја одби, а не би сакал да го откривам името на тимот. Мислев дека е договорено, но не ме пуштија да одам, сакаа да ме продадат на друго место. Имаше и понуда од Италија, но не беше убедлива. На мојот агент Жорге Мендеш му кажав дека не одам во Кина, бидејќи мислам дека можам да дадам уште многу во Европа“, вели Хамес во интервју за колумбискиот „Гол карасол“.
Хамес вели дека нема личен проблем со тренерот Зидан Зидан.
„Никогаш немаше проблеми со Зидан. Секој тренер има свој вкус и ние имаме обична работна врска. Тренирам и работам и ја чекам мојата шанса. Размислувам за иднината, но не знам што ќе се случи“, додава Хамес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.