Фудбалерите на Интер го освоија Купот на Италија со победата 2:0 над Лацио. Интер сезонава ја освои дуплата круна, опрва по 2010 година, кога актуелниот тренер Кристијан Киву, беше командант на одбраната,

Избраниците на Кристијан Киву ја потврдија својата доминација на „чизмата“, а Лацио речиси и да не беше конкурентен во финалето на својот стадион.

Иако беа гости, „нероазурите“ целосно го надиграа Лацио и поведоа во 14-та минута со автогол на Адам Марушиќ.

Работата Интер ја заврши во 35-та минута, кога капитенот Лаутаро Мартинез ја дуплираше предноста.

Во второто полувреме, Интер успешно се бранеше и заслужено освои нов трофеј, односно „двојната круна“ во Италија.

Foto/ EPA

Фудбалерите на Манчестер Сити го победија Кристал Палас со 3:0 (2:0) во натпревар од 31-то коло од англиската Премиер лига.

Тимот на Пеп Гвардиола го држи чекорот со водечкиот Арсенал и во последните две кола се очекува вистинска драма во трката за титулата.

Победата вечерва ја постигнаа головите на Антоан Семењо во 32-та минута и Омар Мармуш во 40-та минута, односно Савињо кој постигна гол во 84-та минута.

Во моментов, состојбата на табелата е таква што Арсенал има 77, а Манчестер Сити 75 бода и малку потежок распоред.

„Топџиите“ ќе го пречекаат Барнли и ќе гостуваат кај Кристал Палас, додека „Граѓаните“ прво ќе гостуваат кај Борнмут, а потоа ќе играат против Астон Вила на „Етихад“. Меѓу дуелите со Борнмут и Вила, Манчестер Сити ќе го одигра финалето на ФА купот против Челзи.

Foto/ Depositphotos

Кошаркарите на Валенсија преку Панатинаикос се пласираа во Фајналфорот на Евролигата, нивен прв во историјата.

Валенсија дојде од 0-2 на 3-2 на најтешкиот можен начин, откако ги загуби првите два натпревари на свој паркет.

Ова е втор пат во историјата, екипа по 0-2 да го добие следните три натпревари и дас избори пласман на Завршниот турнир. Претходно ваков подвиг направи Реал против Партизан во 2023 година.

Интрересно и тогаш и сега, на поразената страна беше центарот Матијас Лесор.

Валенсија мајсторката пред своите навивачи ја доби со 81:64.

Ова значи дека ќе играат против Реал Мадрид на Завршниот турнир, додека Фенербахче и Олимпијакос се среќаваат во второто полуфинале. За да биде уште полошо за „зелените“, Фајналфорот се игра во Атина во нивата ОАКА арена.

Антикошарка се играше во првото полувреме, а особено во првата четвртина. По првите десет минути беа постигнати само 24 поени, а вкупниот резултат од првото полувреме беше разочарувачки, со само 58 поени.

На паузата беше +12 за домашниот тим, а предноста набрзо порасна на +17 на почетокот на третиот период.

Сепак, следеше драма. ПАО со серија од 16:2 и дојде на еден посед негатива, најавувајќи потенцијално интересен финиш, уште еден по ред, со оглед на тоа што ова е серијата со најмала разлика во победите по четири одиграни натпревари во историјата на плејофот во ЕЛ.

Валенсија ја стегна одбраната, беше многу поенергична и подобра во скокот во нападот, а потоа се награди за сето тоа со тројки – преку Томпсон и Де Лареа, и веднаш повторно беше +16. Гостите од Атина не се опоравија од серијата на домашните.

Најзаслужен за оваа победа беше Бранко Бадио со 20 поени и пет скока, додека Брекстон Ки и Жан Монтеро постигнаа по 12 поени.

Кај ПАО, единствените со двоцифрен број поени беа Хејс-Дејвис со 15 и Осман со десет поени.

Foto/ EPA