Спорт
Рома спречи нов срам против Бодо/Глимт, Конте стартуваше со нервозна победа
Жозе Мурињо и Антонио Конте, несомнено, се едни од најдобрите фудбалски тренери во последната деценија, но двајцата вечерва се најдоа со своите клубови во третолигашкото европско натпреварување, Конференциската лига, каде што добро се намачија.
Рома на Мурињо, по катастрофалниот пораз од норвешкиот Бодо/Глимт од 6:1 пред две недели, имаше совршена шанса за одмазда, но аутсајдерот на „Олимпико“ беше на чекор до нова шокантна победа, пред в 84. минута да израмнат на 2:2. Малубројните фанови на норвешкиот клуб на трибините стигнаа со банери на кои пишуваше 6:1, и имаа шанса да присуствуваа на уште еден историски момент.
Солбакен ги шокираше домашните навивачи во финишот на првото полувреме, пред Стефан Ел Шарави да израмни во 55. минута за враќање на надежта во „волчицата“. Сепак, Ерик Ботхајм, пријателот на Ерлинг Халанд, пак го шокираше Мурињо во 65. минута од мечот. Нов срамотен пораз спречи Рожер Ибанез во 84. минута од мечот.
Неговиот лут ривал, Антонио Конте, сега повторно во Англија, беше поуспешен во првиот меч како менаџер на Тотенхем, во нервозната 3:2 победа над холандскиот Витесе. По херојскиот пречек кој го доби, Тотенхем поведоа со 3:0, но Витесе до крајот на полувремето дадоа два гола, по што Кристијан Ромеро во 59. минута доби црвен картон, оставајќи ги Спарси на мака до крајот на мечот.
КОНФЕРЕНЦИСКА ЛИГА НА УЕФА, 4.КОЛО
ГРУПА Ц
Рома – Бодо/Глимт 2:2
ГРУПА Е
Унион Берлин – Феенорд 1:2
Славија Прага – Макаби Хаифа 1:0
ГРУПА Ф
ПАОК – Копенхаген 1:2
ГРУПА Г
Рен – Мура 1:0
Тотенхем – Витесе 3:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.