Спорт
Роналдо е убеден во пласман во Катар: Имам 181-на причина за гордост!
Португалскиот фудбалер Кристијано Роналдо со мислите веќе е во ноември и квалификациските мечеви за пласман на СП во Катар идната година. На 14 ноември Португалија на домашен терен можно е визата за Катар да ја заверува токму против селекцијата на Србија, со која во Белград одиграа 2-2 во март годинава.
По вчерашниот триумф кај Луксембург, Србите се лидери во групата со бод повеќе од Португалија, но и одигран еден меч повеќе.
„Секогаш е иста гордоста кога ја претставуваш земјата и кога ги облекувам нашите бои. Уште еден тест, уште еден тест, се следиме меѓусебно и имаме иста амбиција, во соништата и кон непроменетата цел која ја одредивме – да играме на историското СП во Катар 2022“ рече синоќа Роналдо по триумфот од 3-0 токму против селекцијата на домаќинот на идниот Мундијал.
Задутре Португалија го пречекува составот на Луксембруг, потоа на 11 ноември гостува кај Ирска и на 14 ноември ја дочекува Србија.
Од друга страна, Србите ги очекува дуел со Азербејџан, па решавачкиот меч (најверојатно) против Португалија.
„Рекордите се секогаш неверојатни, но тие се во служба на националниот тим и секогаш се посебна димензија. Имам 181 натпревар во португалскиот дрес и исто толку причини да бидам горд. Дадов голови против 46 различни селекции и тоа е нешто што никогаш не сум помислил дека е можно. Но, да не застануваме овде, да се бориме уште повеќе. Моќна Португалија“ напиша денеска Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.