Спорт
Роналдо ги инспирираше Јуве до луд пресврт кај Удинезе
Денот кога лутите ривали Интер ја прославија титулата од Серија А, прекинувајќи ја нивната низа од девет трофеи во низа, на Јувентус им беше потребен блесок на Кристијано Роналдо да стигнат до тешко извојувана 2:1 победа кај Удинезе обезбедена во последните минути од мечот.
Дека работите оваа сезона не одат најдобро за Јувентус оваа сезона е јасно одамна, но првото полувреме на „Дачија арената“ беше едно од најлошите за нив оваа сезона. Нахуел Молина ги донесе Удинзе во водство уште во 10. минута од мечот по катастрофалната реакција на одбраната на Јувентус, и потоа успеаја да не им дозволат многу шанси до крајот на полувремето.
Јуве успеа да израмни дури во 82. минута, кога слободниот удар на Кристијано Роналдо заврши во раката на Родриго де Паул и веднаш беше досуден пенал, кој Роналдо безмилосно го реализираше. Роналдо повторно беше „џокер“ на Андреа Пирло кога во 90-тата минута по асистенција на Адриен Рабио успеа да го совлада противничкиот голман за три поени
Со овој резултат, Јуве успеа да го искористи киксот на Наполи и да ги помине на третото место на табелата. Аталанта на второто место, Јувентус на третото и Милан на четвртото место имаат по 69 поени, додека Наполи има 67, најавувајќи интересни последни четири кола во шампионатот, посебно бидејќи веќе следната недела Јуве ги пречекуваат Милан!
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.