Спорт
Роналдо го победи Меси на Инстаграм, но двајцата губат од обично јајце
Кристијано Роналдо забележа една победа над својот вечен ривал Лионел Меси, откако го сруши рекордот за најлајкувана фотографија на Инстаграм од еден спортист во историјата на социјалната мрежа.
Шокантниот трансфер на Меси во Пари Сен-Жермен откако цела кариера ја помина во Барселона во август собра неверојатни 22 милиони лајкови досега. На фотографијата се Меси, неговата сопруга Антонела и нивните три деца. Ова беше третпат Меси да постави рекорд, откако фотографијата со трофејот од Копа Америка со Аргентина, негов прв со репрезентацијата, собра 21.9 милиони лајкови, додека заминувањето од Барселона собра 21.2 милиони лајкови. Тие фотографии уште се деветти и десетти на вкупната листа на Инстаграм.
Во четвртокот, пак, Роналдо објави дека очекува близнаци со својата долгогодишна партнерка Георгина Родригез, негово петто и шесто дете, и за 24 часа тој собра повеќе од 27 милиони лајкови.
За споредба, Меси има 278 милиони следбеници на Инстаграм, додека Роналдо има 360 милиони. Според „Хопер ХКју“, Роналдо заработува по 1.6 милиони долари за секој спонзориран пост на Инстаграм.
Но, сепак, и двајцата се победени од јајце. Најлајкуваната фотографија на Инстаграм останува „Јајцето за светски рекорд“ на адвертајзинг гуруто Крис Годфри, намерно поставена за да се сруши рекордот и има неверојатни 55.4 милиони лајкови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.