Спорт
Роналдо: Од сите срушени рекорди, овој ми е најдрагиот!
Португалскиот ас Кристијано Роналдо синоќа со два гола во финишот на мечот и донесе победа на својата селекција против Ирска во квалификациите за СП. Со тоа стана најдобриот стрелец во историјата на репрезентативниот фудбал.
Досега рекордот го држеше Иранецот Али Даеи со 109 гола на 149 натпревари.
Роналдо со синоќешните два гола го надмина Даеи, а за својата татковина одигра досега 180 натпревари – ефектот 111 гола.
Тој се огласи на Инстаграм по ова постигнување:
„Пресреќен сум и воодушевен. Од сите рекорди кои ги срушив во кариерата, а имаше неколку, на овој сум најмногу горд. Секогаш кога ја претставувам својата земја се чувствувам посебно затоа што знам дека ја бранам Португалија и му демонстрирам на светот какви луѓе сме ние Португалците. Повеќе од се ме прави среќен фактот што 111 пати усреќив милиони Португалци шитум светот. За нив секоја жртва која ја дадов вредеше. Она што Али Даеи го направи е неверојатно, во еден момент од кариерата мислев дека никогаш нема да го достигнам. Тој постави многу високи стандарди и сега сакам да му честитам што толку долго време го држеше рекордот. Португалија, ти благодарам. Им благодарам на сите мои соиграчи и на противниците кои овој мој пат го направија незаборавен. Се надевам дека и понатаму ќе се среќаваме на теренот во годините што се пред нас. Не престанав да бројам…“ напиша Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.