Манчестер јунајтед во наредните шест натпревари нема да може да смета на услугите на првиот голман Давид Де Хеа. Шпанецот, не беше во тимот на Манчестер јунатед, синоќа, против Кристал Палас.

Медиумите во Англија, објавија дека Де Хема требало да реши некои „приватни проблеми“, а клубот му го дозволил тоа.

Се шпекулира дека Де Хема нема да се појави во тимот на Манчестер јунајтед до крајот на овој месец, што значи дека ќе ги пропушти и квалификациските натпревари на шпанската репрезентација.

Шпанецот ќе пропушти шест натпревари на на Манчестер јунајтед, вклучувајќи го и градското дерби со Сити, како и дуелите со Милан во Лига Европа.

На голот ќе го замени англискиот репрезентативец Дин Хендерсон.

Џерар Пике, поради повредата на десното колено, повторно ќе оди на пауза. Пике, се повреди, во второто продолжение на натпреварот со Севилја. Барселона, во драматичен натпревар ја елиминираше Севилја, а продолженијата ги избори Пике со голот што го постигна во 94.минута.

Пике, поради повредата на десното колено, паузираше три месци. Во тимот се врати пред десет дена, а сега ќе мора да отсуствува три недели. Денешните прегледи покажале истегнување на лигаментите во десното колено.

Пике, поради оваа повреда, ќе го пропушти осмина-финалниот реванш со ПСЖ, во Лигата на шампионите и тешкото гостување во Сан Себастијан, против Реал Сосиедад.

Фудбалскиот сојуз на Португалија експресно го реши проблемот поврзан со фудбалерите кои играат во англиските клубови. Поради „црвената листа“ на британската влада, а на која се наоѓа и Португалија, сите кои во Велика Британија влегуваат од овие земји, задолжителен е 10-дневен карантин.

Бруно Фернандеш, Рубен Дијаз, Бернанрдо Силва, Диого Жота, Рубен Дијаз, Жоао Мутињо, Педро Нето, Руи Патрисо и Жоао Кансело се стандардни во португалската репрезентација.

Португалците за дуелите со Азербејџан и Србија ќе се соберат во Торино. Во овој град на 24.март ќе го пречекаат Азербејџан, а три дена подоцна ќе гостуваат во Србија.

Кога наведените фудбалери ќе се вратат во Велика Британија нема да мора да одат во карантин, бидејќи Италија и Србија не се наоѓаат на „црвената листа“.