Спорт
Роналдо сам му донесе на Јуве четврт-финале, Сити со седум „парчиња“ за Шалке (видео)
Кристијано Роналдо е вистински кошмар за тимот на Атлетико Мадрид, откако постигна хет-трик во реваншот од осминафиналето на Лигата на шампионите и со 3:0 победата ги елиминираше „јорганџиите“ и им даде надеж на навивачите на Јувентус дека трофејот од ЛШ е на дофат. На „Етихад“ пак, Манчестер сити ги покажа своите шампионски амбиции „разбивајќи“ го Шалке со неверојатни 7:0 за да го потврдат своето место меѓу најдобрите осум.
Јувентус го донесоа ЦР7 токму за толку посакуваната титула од Лигата на шампионите, и досега „парите им се исплатеа“. Роналдо постигна два гола со глава и еден од пенал, благодарение на одличниот Бернардески, за вкупно да има 25 гола против Атлетико Мадрид во сите натпреварувања и неверојатни 124 гола во Лигата на шампионите.
Атлетико од друга страна не може да се пофали со играта – „колчонерос“ имаа 0 удари на гол во текот на 90-те минути, 0 корнери и 38 отсто од поседот на топката.
Во Манчестер пак, иако беше јасно дека Сити е поблиску до осминафиналето по 3:2 победата на гости во Гелзенкирхен, никој не очекуваше голеада од актуелниот англиски шампион.
Тие уште во првото полувреме го решија патникот во четврт-финалето по двата гола на Серхио Агуеро и едниот на Лирој Сане, по што во второто полувреме му дадоа уште четири на германскиот клуб – Рахим Стерлинг, Бернардо Силва, Фил Фоден и Габриел Жесус се запишаа во листата на стрелците во еден застрашувачки гест кон конкуренцијата, која сигурно нема да го сака Сити во ждрепката.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.