Спорт
Роналдо со нов рекорд го одведе Јуве на „пола чекор“ до Скудетото
Дербито на 34-то коло во италијанската Серија А меѓу домашниот Јувентус и гостинот од Рим, Лацио му припадна на актуелниот шампион. По 90 минути игра на семафорот стоеше 2-0 во полза на „Старата дама“.
Во првото полувреме се играше рамноправно, двата тима имаа по една погодена статива.
Најпрво Алекс Сандро (Јувентус) во 11 минута со глава биеше во стативата, а подоцна од мечот, во 44 минута Имобиле (Лацио) погоди во левата статива.
Почетниот резултат остана по првото полувреме.
На стартот на вториот дел Јуве го отвори резултатот. Во 48 минута Бастос играше со рака во својот шеснаесетник, а судијата Орсато по ВАР асистенција покажа на белата точка.
Кристијано Роналдо е непогрешлив за 1-0.
Не поминаа ниту цели 3 минути, а Португалецот по вторпат се запишува во листата на стрелците, 2-0 за Јувентус.
Дибала асистира, а Роналдо само ја смести топката во празната мрежа.
Со ова Роналдо запиша уште еден неверојатен рекорд. Со голот од пенал во 51. минута тој го постигна својот 50. погодок во Серија А, со што стана прв фудбалер во историјата што постигнал толку погодоци во три од петте најсилни европски лиги (Премиерлига, Ла Лига и Серија А).
До крајот на мечот Лацио доби можност да се врати во игра во 82 минута. Бонучи реагираше преостро во својот казнет простор, и Лацио доби пенал.
Сигурен реализатор Имобиле за 2-1.
До крајот на мечот „небесносините“ немаа сила за да стигнат до бод на овој меч.
Со победата Јувентус речиси сигурно ќе ја одбрани шампионската титула во Италија. На 4 кол до крајот има предност од 8 бода зад второпласираниот Интер.
Лацио останува на четвртата позиција, со -2 бода за третопласираната Аталанта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ембид го прекрши ветувањето што му го дал на претседателот Макрон
Кошаркарот на Филаделфија, Џоел Ембид му ветил на францускиот претседател Емануел Макрон во 2021 година дека ќе игра за Франција. Три години подоцна го прекрши ветувањето.
Ембид, се ремисли и реши на олимписките игри во Париз да го носи дресот на Соединетите Американски Држави.
Ембид имаше можност да игра за Камерун, земјата во која е роден.
„РМЦ Спорт“ го објави писмото Ембид што му го испратиl на претседателот Макрон во 2021 година.
„Откако разговарав со луѓе од Француската кошаркарска федерација, донесов одлука. Сакам да преземам чекори за да станам „натурализиран“ играч и на тој начин да можам да бидам член на „триколорите“. Затоа не сакам да играм за која било друга репрезентација. Никогаш не сум ги носел боите на ниту една репрезентација. За мене би било голема чест да се приклучам на оваа француска репрезентација за да учествувам на следните големи натпреварувања, особено на Олимписките игри во 2024 година“, пишува меѓудугото во писмото на Ембид.
Joel Embiid a envoyé une lettre à Emmanuel Macron en 2021, dans laquelle il a promis de jouer pour l’équipe de France afin d’obtenir la nationalité française, selon @RMCsport.
Extrait de la lettre : « Mon choix est arrêté […] Je ne souhaite jouer pour aucune autre équipe… pic.twitter.com/mVLV7xrhkF
— Benjamin Moubèche (@BenjaminMoubech) April 18, 2024
Инаку, Ембид е на списокот од 12 играчи на САД кои ќе играат во Париз.
Во ростерот на Стив Кер се и Стеф Кари, Тајрис Халибартон, Џру Холидеј, Ентони Едвардс, Девин Букер, Кевин Дурант, Џејсон Тејтум, Ентони Дејвис, Леброн Џејмс, Каваи Ленард и Бем Адебајо.
Спорт
Имобиле ќе го напушти Лацио, замената доаѓа од Џенова
По осум години минати во клубот, капитенот на Лацио, Чиро Имобиле ќе го напушти „Олимпико“, на крајот од сезоната.
Имобиле четири пати беше најдобар стрелец во италијанската Серија А, 34-годишниот се смета за еден од најдобрите напаѓачи во историјата на клубот.
Иако договорот му истекува дури во летото 2026 година, најдобриот стрелец во клупската историја не е во плановите на новиот тренер Игор Тудор, кој веќе најде замена за него.
Како што пишува италијанска „Ла Република“, следното лето Лацио ќе тргне по центарфорот на Џенова, Матео Ретеги, италијанскиот репрезентативец, роден во Аргентина.
Ретеги има 24 години, а оваа сезона за Џенова постигна осум гола на 26 натпревари, а за селекцијата на „аѕурите“ одигра шест натпревари и постигна четири гола.
Џенова за трансферот на Ретеги ќе бара околу 25.000.000 евра.
Спорт
Себаљос заминува од Реал
Играчот од средниот ред на Реал Мадрид, Дани Себаљос (27) ќе го напушти клубот по завршувањето на сезоната. Шпанските и италијанските медиуми тврдат дека тој ќе се пресели во Милан.
Себаљос е член на Реал од 2017 година, а од 2019 до 2021 година беше на позајмица во Арсенал. Се шпекулираше и пред почетокот на минатата сезона дека ќе го напушти клубот, но реши да остане, убеден дека ќе добие шанса од Карло Анчелоти.
Она што го планираше не му се оствари, тековната сезона ј минува на клупата за резерви.
Поради тоа е подготвен да го напушти Мадрид, а според информациите Реал нема да се противи на трансферот, што покажува и обесштетувањето кое го бара за Себаљос, а кое изнесува 8.000.000 евра.
Шпанските и италијанските медиуми пренесуваат дека најголем интерес покажал Милан, а како потенцијални дестинации се споменуваат и Атлетико Мадрид, односно Бетис.