Спорт
Руни контра својот поранешен соиграч: Однесувањето на Роналдо беше неприфатливо
Однесувањето на Кристијано Роналдо во Манчестер јунајтед оваа сезона е неприфатливо, вели неговиот поранешен соиграч Вејн Руни оценувајќи дека Португалецот направил несакани пречки во тимот.
Петкратниот освојувач на „Златната топка“ се надеваше дека ќе го принуди тимот да го продаде во текот на летото, но на крајот 37-годишниот ветеран остана на „Олд Трафорд“, каде што неколкупати се најде на насловните страници откако поголемиот дел од сезоната ја помина на клупата, а исто така беше казнет кога одби да влезе во игра на мечот со Тотенхем. Во 16 настапи тој има постигнато само 3 гола.
„Кариерата што тој ја имаше, таква имаат само тој и Лео Меси како двајца најдобри на сите времиња, но работите што ги направи од почетокот на сезоната во Манчестер јунајтед не се прифатливи. Гледам дека Рој Кин го брани на ТВ, но Рој немаше да го трпи во соблекувалната. Тоа е пречка за Јунајтед, која е непотребна во моментот кога се обидуваат да го градат тимот и Кристијано требаше да ја држи главата долу и да биде подготвен кога ќе му е потребен на менаџерот. Ако го направи тоа, ќе вреди за тимот, ако не, ќе биде несакана пречка“, вели Руни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.