Спорт
Рутински победи на Сити и Арсенал
Во традиционалниот саботен термин во Премиер лигата немаше изненадувања, а Манчестер сити и Арсенал како домаќини забележаа сигурни победи.
Бранителот на титулата Манчестер сити беше подобар од Борнмут на „Етихад“ со 4:0 (3:0), а се беше решено во простор од 19 минути во првото полувреме.
Потоа Илкај Гундоган, Кевин де Бруин и Фил Фоден постигнаа голови во 19., 31. и 37. минута за комотни 3:0, а конечните 4:0 со авто-гол ги постави Џеферсон Лерма во 79.минута.
Четири гола постигна и Арсенал во победата од 4:2 (2:0) над Лестер, а натпреварот го одбележа Габриел Жесус.
Новајлијата од Манчестер сити беше стрелец на првите два гола на натпреварот, во 23. и 35. минута, а потоа забележа уште две асистенции во моментите кога „лисиците“ успеаја да се вратат.
Поточно, во 53. минута Салиба несмасно си постигна автогол, но во следниот напад Арсенал го удвои водството поради големата грешка на голманот Вард, стрелец беше Џака.
Така беше и во 74. минута кога Медисон намали на 3:2, а во 76. минута Мартинели по додавањето на Хесус ги постави конечните 4:2.
Брајтон и Њукасл ги поделија бодовите во реми без голови, но „страчките“ се многу посреќни со бод.
Голманот Ник Поуп спречи неколку голови на домашните. Играчите на Брајтон не реализираа неколку изворедни шанси, а посебно се „истакна“ Паскал Грос, херојот од минатонеделната победа над Манчестер јунајтед на „Олд Трафорд“.
Без голлви заврши и натпреварот Вулверхемптн-Фулам. Трагичар на овој меч беше Александар Митровиќ. Напаѓачот на Фулам во првиот дел промаши пенал.
Great save by Wolverhampton Wanderers keeper Sa from mitrovic from the penalty spot ???????????????????????????????????????????????????? pic.twitter.com/PZDd6EN0je
— Kenneth (@K_Dupey) August 13, 2022
И Саутемптон и Лидс ремизираа со резултат 2:2 (0:0).
Гостите водеа со двата гола на Родриго, но „светците“ од пораз ги спасија Арибо во 72. минута и Вокер-Петерс во 81. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.