Спорт
САД опен: Осака се врати во форма, Петкович ја исфрли Квитова
Актуелната шампионка од Флешинг Медоуз, Наоми Осака лесно влезе во третото коло на САД опен во напорниот ден за тенисерите откако тенисот во средата беше попречен поради дождот.
Првата носителка Осака беше едноставно пресилна за 53-рангираната Полјачка Магда Линете, стигнувајќи со 6:2/6:4 победа за да постави потенцијална пресметка со 15-годишната американска сензација Коко Гоф во третото коло.
„Среќна сум што не морав да играм во три сета. Исто така благодарна сум што на трибините имаше луѓе како Коби Брајант и Колин Кеперник, тоа беше навистина кул“, изјави Осака.
Петра Квитова пак, немаше толку среќа, откако Андреа Петкович ја победи со 6:4/6:4 за првпат да стигне до третото коло до 2015 година. Германката во 2011 година стигна до четврт-финалето.
Британецот Ден Еванс, пак, го победи 25. носител, Лукас Пуј во четири сета со 6:4/6:3/6:7(4)/6:4 за да обезбеди дуел со Роџер Федерер, додека Денис Кудла со 7:5/7:5/0:6/6:3 го победи Душан Лајовиќ за дуел во третото коло со првиот носител Новак Ѓоковиќ.
САД ОПЕН, 2.КОЛО
МАЖИ
Де Минаур (Авс) – Гарин (Чил) 6:3/7:5/6:3
Гофан (Бел) – Барер (Фра) 6:2/6:2/6:2
Кудла (САД) – Лајовиќ (Срб) 7:5/7:5/0:6/6:3
Мајхршак (Пол) – Куевас (Уру) 6:7(3)/6:4/2:6/6:4/6:1
Еванс (Бри) – Пуј (Фра) 6:4/6:3/6:7(4)/6:4
ЖЕНИ
Феро (Фра) – Младенович (Фра) 6:4/6:7(3)/6:3
Сакари (Грц) – Пенг (Кин) 6:7(5)/6:4/6:2
Мартиќ (Хрв) – Богдан (Ром) 6:2/6:4
Мучова (Чеш) – Хсиех (Тјв) 6:1/4:6/7:6(2)
Петкович (Гер) – Квитова (Чеш) 6:4/6:4
Севастова (Лет) – Свјонтек (Пол) 3:6/6:1/6:3
Осака (Јап) – Линете (Пол) 6:2/6:4
Конта (Бри) – Гаспарјан (Рус) 6:1/6:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.