Спорт
САД опен: Рубљев во драма подобар од Цицпас, Мугуруза „излета“
Тениските фанови на „Луј Армстронг“ стадионот во Њујорк имаа шанса да видат фантастичен меч помеѓу двајца тенисери кои треба да се „следната генерација“ во тенисот, откако Русинот Андреј Рубљев успеа да го совлада Стефанос Циципас со 6:4/6:7(5)/7:6(7)/7:5 по неполни четири часа игра.
Рубљев имаше дури 25 победнички топки во третиот сет, но мораше да спасува сет-поен, но од четвртиот сет, грчкиот тенисер имаше проблеми со грчевите и го загуби мечот со болки.
„Беше тешко да се игра бидејќи беше многу жешко, но мечот беше фантастичен. Знам како е да имаш проблеми со грчевите, а тука играме во пет сета“, вели 21-годишниот Рубљев, кој во 2017 изненади во Њујорк со пласманот во четврт-финалето.
Уште еден млад тенисер е во второто коло – Австралиецот Алексеј Попирин, кој со 6:1/7:5/7:6(5) победа над Федерико Делбонис дебитираше на САД опен и сега ќе игра со Михаил Кукушкин, кој го изненади 10. носител, Роберто Баутиста Агут со 3:6/6:1/6:4/3:6/6:3. Носителот број 24., Матео Беретини го совлада Ришар Гаске со 6:4/6:3/2:6/6:2 за прва победа на Флешинг Медоуз.
Кај дамите, поранешната светска тенисерка број 1, Шпанката Гарбиње Мугуруза загуби уште во првото коло со 2:6/6:1/6:3 од Американката Елисон Риски. Со ова таа ја продолжи лошата серија на резултати во 2019, откако и на Вимблдон загуби во првото коло од Бразилката Беатриз Хадад Маја.
Првата носителка и актуелна шампионка, Наоми Осака, исто така се мачеше во три сета, но на крајот стигна до 6:4/6:7(5)/6:2 победа над Ана Блинкова.
Шестата носителка, Петра Квитова имаше поедноставна задача, совладувајќи ја чешката сонародничка Дениса Алертова со 6:2/6:4, додека поранешната шампионка од Ролан Гарос, Јелена Остапенко со 6:3/7:6(7) ја победи Србинката Александра Круниќ.
САД ОПЕН, 1.КОЛО
МАЖИ
Беретини – Гаске 6:4/6:3/2:6/6:2
Кукушкин – Баутиста Агут 3:6/6:1/6:4/3:6/6:3
Попирин – Делбонис 6:1/7:5/7:6(5)
Сонего – Гранолјерс 6:3/6:4/6:4
Рубљев – Циципас 6:4/6:7(5)/7:6(7)/7:5
Бублик – Хиралдо 2:6/6:0/7:5/3:6/6:4
Чилиќ – Клижан 6:3/6:2/7:6(6)
Вердаско – Камке 6:3/3:6/6:1/6:2
Томпсон – Соуса 6:3/6:2/6:4
ЖЕНИ
Риски – Мугуруза 2:6/6:1/6:3
Осака – Блинкова 6:4/6:7(5)/6:2
Линет – Шарма 6:3/6:4
Бертенс – Бадоза 6:4/6:2
Андреску – Волинец 6:2/6:4
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.