Спорт
Садио Мане првпат со наградата за најдобар африкански фудбалер
Ѕвездата на Ливерпул и на сенегалската репрезентација, Садио Мане првпат во кариерата ја доби наградата за најдобар африкански фудбалер, победувајќи го соиграчот Мохамед Салах и Ријад Марез од Манчестер сити, додека фудбалерката на Барселона и на нигеријската репрезентација, Асисат Ошоала е најдобра фудбалерка од Африка.
Сенегалецот ја доби наградата од четирикратниот освојувач на оваа награда, Самуел Ето на церемонија во Хургада, Египет. Мане последните две години завршуваше на второто место зад Салах, а сега е вториот Сенегалец со овој трофеј по уште еден фудбалер на Ливерпул, Ел Хаџи-Диуф во 2001 и 2002 година.
„Да бидам искрен, повеќе сакам да играм фудбал отколку да зборувам пред многу луѓе. Но, среќен и горд сум што добивам ваква награда. Сакам да се заблагодарам на семејството за овој голем ден и на сите Сенегалци кои гласаа за мене. Јас доаѓам од многу мало село кое се вика Бамбали, но сигурен сум дека денеска сите го гледаат ова“, изјави Мане.
Алжир ја доби наградата за тим на годината по освојувањето на Африканскиот куп на нации, додека Џамел Белмади е најдобар тренер.
It's official! ?
The African Player of the Year for 2⃣0⃣1⃣9⃣ is #SadioMane
What an achievement for the Senegalese winger! ?? #CAFAwards2019 pic.twitter.com/BwFBBxFBR1
— #CAFAwards2019 (@CAF_Online) January 7, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.