Спорт
Сафин: Само Федерер е тенисер, Новак и другите играат исто и досадно!
Поранешниот двократен гренд слем шампион, Марат Сафин никогаш не се воздржувал да го каже своето мислење за состојбата на модерниот тенис, и сега во интервју за магазинот „Сократис“, тој вели дека „едноличноста“ во тенисот го убива.
„Ако ги гледам Томаш Бердих, Григор Димитров или Милош Раонич, сите како да играат ист тенис. Понекогаш дури не знаеш кој е на теренот бидејќи се исти. Тоа е досадно и воопшто не е добро за развојот на спортот. Искрено, тие воопшто не играат, како да играат роботи.Секогаш исто – сакаат да го удрат топчето што е можно посилно и потоа да видат што ќе се случи“, вели Сафин.
Русинот, кој останува еден од најголемите таленти во последните неколку децении во спортот, не го исполни целосно својот потенцијал најмногу поради работи надвор од тенисот. Тој брани само еден модерен тенисер.
„Најдобрите играчи како Новак Ѓоковиќ и Стен Ваврика играат исто така. Во што е разликата во нивната игра? Во ништо! Само Федерер игра поинаку. Тој ги ’сече’ топките, игра сервис-и-волеј, секогаш е непредвидлив. Игра со својата глава. Другите можеби мислат дека се добри како него, но на крајот, тој нема рамен противник. Убедливо најдобриот тенисер во историјата. Против него секогаш беше тешко. Секогаш ми беше кошмар. Како е возможно Федерер да има 36, а Надал 31 и уште да ги газат сите пред нив. Што е проблемот со јуниорите? Каде се?“, вели Сафин, кој го победи Федерер само двапати во 12 меча.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.