Спорт
Саинс Јуниор ќе биде потврден како возач на Ферари во следните 48 часа
Според повеќе извори од Италија и Шпанија, Карлос Саинс Јуниор ќе биде потврден како колега на Шарл Леклер од 2021 година веќе во следните 48 часа, со што би се ставило крај на лудите шпекулации откако Себастијан Фетел и Ферари потврдија дека нивната соработка ќе заврши по пет години на крајот на сезоната 2020.
По ова се „поврзаа“ многу имиња со атрактивното слободно место – Луис Хамилтон, Даниел Рикардо, Фернандо Алонсо, Антонио Џовинаци, меѓутоа според „Моторспорт“ од Италија, Саинс е веќе договорен.
Според нивните информации синот на рели-легендата со исто име, треба да ги одреди само „последните детали“ од договорот, додека втор најголем кандидат е Рикардо.
25-годишниот Саинс, кој одбиваше да потпише нов двегодишен договор со Мекларен, веќе има над 100 настапи во Формула 1, и во 2019 имаше најдобра сезона откако заврши на седмото место зад шесте возачи на Мерцедес, Ферари и Ред бул. Тој го имаше најдобриот успех на претпоследната трка во 2019 во Бразил кога првпат во кариерата беше на подиумот со трето место.
„Јас сум сигурен во моите способности. Лани направив голем чекор напред и способен сум да направам добри работи во Мекларен, Ферари или Мерцедес“, изјави неодамна Саинс.
Фетел, пак, од друга страна речиси сигурно ќе заврши во Мекларен, каде што повторно ќе работи со новиот шеф на тимот Андреа Зајдл, со кого беше во БМВ на почетокот на кариерата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024