Спорт
Саинс најбрз за Мекларен, Ферари успорени со утринскиот судир на Фетел
Новиот возач на Мекларен, Карлос Саинс Јуниор остана најбрз на вториот ден од вториот зимски Ф1 тест во Барселона откако ја искористи утринската сесија за најдобро време.
Со Ц4 гумите на Пирели, Саинс постави 1:17.144, најбрзо време на тестирањето досега, иако веднаш потоа застана на патеката со механички проблем. Сепак, во Мекларен бргу ги решија проблемите и до крајот на денот тој комплетираше 120 кругови.
Најблиску до него дојде Серхио Перез во Рејсинг поинт (досегашните Форс Индија) со 1:17.842, додека Себастијан Фетел беше трет најбрз, откако утрото го одбележа неговото спектакуларно излетување на ттретата кривина. Фетел по медицинскиот тест беше назад на патеката, меѓутоа додека Ферари го решаваа проблемот, остана само пет минути акција за Шарл Леклер.
Кими Раиконен имаше 110 кругови и четврто најдобро време за Алфа Ромео пред Роман Грожан (Хас), Макс Ферстапен (Ред бул), Данил Квјат (Торо росо) и разочарувачки слабиот Валтери Ботас.
Фото: ЕПА
БАРСЕЛОНА – 2.ДЕН
1.Карлос Саинс Јуниор (Мекларен) 1:17.144, 130 кругови
2.Серхио Перез (Рејсинг поинт) 1:17.842, 88 кругови
3.Себастијан Фетел (Ферари) 1:18.195, 40 кругови
4.Кими Раиконен (Алфа Ромео) 1:18.209, 113 кругови
5.Роман Грожан (Хас) 1:18.330, 120 кругови
6.Макс Ферстапен (Ред бул) 1:18.395, 128 кругови
7.Данил Квјат (Торо росо) 1:18.682, 101 кругови
8.Валтери Ботас (Мерцедес) 1:18.941, 74 кругови
9.Луис Хамилтон (Мерцедес) 1:18.943, 102 кругови
10.Нико Хилкенберг (Рено) 1:19.056, 58 кругови
11.Роберт Кубица (Вилијамс) 1:19.367, 130 кругови
12.Даниел Рикардо (Рено) 1:22.597, 72 кругови
13.Шарл Леклер (Ферари) без време, 1 круг
Фетел се „заби“ во ѕид па коментираше: Не можев да направам ништо (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.