Спорт
Сакал да го напушти фудбалот, требало да работи како бармен, а синоќа ја однесе Австралија на СП
Пред шест години сериозно размислувал фудбалот да му стане хоби, а синоќа 33-годишниот Енди Редмејн стана национален херој. Голманот на Сиднеј, ја однесе Австралија на Светското првенство во Катар.
Австралија, по изведувањето на пенали, со 5:4 го победи Перу во Интерконтинеталниот бараж.
Редмејн, во 121.минута го замени првиот голман Мет Рајан. Планот на селекторот Греем Арнолд бил малку психолошки да ги поремети фудбалерите на Перу.
На крајот голманот на Сиднеј одбрани два пенали. Малку ја допре топката, која при ударот на Адвинкула во третата серија заврши во стативата и го одбрани пеналот на Валера во шестата серија.
Редмејн го оствари сонот, ќе игра на со Австралија на СП, а во не толку далечното минато, тој бил подготвен да се откаже од фудбалот. Имал договорена работа како бармен.
„Се беше договорено. Требаше да работам во кафулето на еден мој пријател, преку дена да учам, а навечер да играм фудбал. Едноставно, во тоа време, не верував дека сум доволно добар голман. Тоа беше тешка фаза од мојот живот“, признава Редмејн, кој во еден период од кариерата бил на проба во Арсенал.
Како го коментира најсветлиот момент во кариерата.
„Перу сигурно цела недела се подготвувале за Метју (Рајан) и мислам дека беа малку ги исфрли од ритам кога ме видоа мене. Мислам дека никој од перунаските фудбалери немаше слушнато за мене пред овој натпревар. Мислам дека им стана јасно дека можеби ќе влезам во игра на полувремето, кога се загревав. Метју ме поддржа, ме охрабруваше, ми рече: „Ќе успееш друже!“.
Австралија на СП во Катар, ќе се натпреварува во Д-групата со Франција, Данска и Тунис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.