Претседателот на Аргентинската фудбалска федерација (АФА), Чики Тапија, објави дека тренинг-кампот на репрезентацијата, досега познат како Каса де Езеиза, отсега ќе биде именуван според „најдобриот играч на светот“, Лионел Меси.

Со ова се комплетира неделата на прослави во Аргентина, по пријателскиот меч со Панама во четвртокот, во кој Меси го постигна својот 800. гол во кариерата. Аргентина ќе игра уште еден пријателски меч со Курасао во понеделник навечер, пред фудбалерите да се вратат на своите клубови.

Vivimos una jornada histórica en nuestra Casa de Ezeiza, que desde hoy, pasará a llamarse Lionel Andrés Messi, en homenaje al mejor jugador del mundo.
Quiero agradecer a todos los dirigentes, jugadores, jugadoras y empleados de @afa por haber estado junto a nosotros, una vez más pic.twitter.com/zuSek1Fb6F

— Chiqui Tapia (@tapiachiqui) March 25, 2023

Денвер нагетс, предводени од нова фантастична партија на Никола Јокиќ, стигнаа до 129:106 победа над Милвоки бакс, во дуел на двете најдобри екипи на Западната и Источната конференција во НБА лигата.

Почетокот на мечот беше израмнет, откако и покрај 18-те поени на Џамал Мареј во првата четвртина, Бакси имаа 37:38 предност, која се зголеми на максимални 40:48 во втората четвртина. Клучна беше третат четвртина, во која Нагетси успеја да го сопрат Јанис Адтокумбо за да направат пресврт и предност од 97:85 по три четвртини. По ова немаше враќање за гостите.

Јокиќ го заврши мечот со 31 поен, 6 скок и 11 асистенции, Џамал Мареј додаде 26 поени, додека за гостите, Адетокумбо исто така заврши со 31 поен, но само седум во второто полувреме.

По историскиот пласман во полуфиналето на Светското првенство во Катар, продолжува приказната од соништата за мароканската фудбалска репрезентација, откако во пријателски меч со 2:1 го совладаа Бразил, како прва арапска репрезентација која била подобра од „селесао“.

Софијан Буфал и Абделхамид Сабири беа стрелци за Мароко против тимот во кој отсуствуваа Нејмар, Маркињос, Тијаго Силва и Ришарлисон, и кој првпат беше воден од преодниот селектор Рамон Менезеш, и кој им даде први настапи на новите бразилски ѕвезди како Рони, Андреј Сантош и Витор Витор Роке.

Бразилската репрезентација успеа да добие ритам во второто полувреме и да постигне гол преку капитенот Касемиро, но на крајот Мароко славеше славен триумф.