Спорт
Сањол повика 23 фудбалери, Грузијците ги предводи „наполитанецот“ Кварацхелија
Фудбалската репрезентација на Грузија е следниот ривал на Македонија во Лигата на нации. Грузијците денеска ги започнаа подготовките за септемвриските натпревари во Лигата на нации.
Вили Сањол повика 23 играчи, од кои единствен дебитант е голманот Леван Шовнадзе.
„Македонија е дефинитивно нашиот најголем ривал во групата. Победивме во Скопје, но нема да биде лесно на претстојниот меч во Тбилиси, веројатно сега ќе ни биде и многу потешко“, изјави селекторот на Грузија.
Тој за мечот против Македонија ги повика следните фудбалери:
Голмани: Џорџи Лорија (Анортозис, Фамагуста, Кипар), Јорги Мамардашвили (Валенсија, Шпанија), Леван Шовнадзе (Самгурал, Цкалтубо, Грузија)
Одбрана: Гурам Кашија (Слован Братислава, Словачка), Отар Какабаџе (Краков, Полска), Давит Хочолава (Копенхаген, Данска), Соломон Кверквелија (Нефтчи, Азербејџан), Лука Лочошвили (Кремонезе, Италија), Гурам Ѓорбелиџе (Заглебие Лубин, Полска), Иракли Азаров (Црвена Звезда Србија), Џими Табиџе (Динамо Тбилиси, Грузија)
Среден ред/Напад: Саба Лобжаниџе (Хатајспор, Турција), Ѓорѓи Цитаишвили (Лех Познањ, Полска), Ника Квеквескири (Лех Познањ, Полска), Анзор Меквабишвили (Динамо Тбилиси, Грузија ), Џорџи Абурјанија (Жил Висенте, Португалија), Ѓорѓи Чакветадзе (Слован Братислава, Словачка), Владимир Мамучашвили (Динамо Батуми, Грузија), Зурико Давиташвили (Бордо, Франција), Квича Кварацхелија (Наполи, Италија), Вако Казаишвили (Улсан Хјундаи, Јужна Кореја), Џорџи Микутаџе (Мец, Франција), Буду Живзивадзе (МОЛ Фехервар, Унгарија).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.